Íslendingar munu borga!

Um hvaða Íslendinga er mannfjandinn að tala?

Skulda Íslendingar Hollendingum eitthvað??

Hvað varðar mig um það þótt einhver Steingrímur sé í basli vegna þess að einhver hópur sem hann er í forsvari fyrir skuldar einhverjum útlendingum?

Flest er nú orðið fréttnæmt á Íslandi, ég segi nú ekki annað.

En meðal annara orða: Hvur er eiginlega þessi Steingrímur J Sigfússon?

Steingrímur: Íslendingar munu borga

Athugasemdir

[Jóhann Elíasson, 18.9.2010 kl. 17:32]

Hvaða SKULDBINDINGAR er hann eiginlega að tala um???????  Var Landsbankinn ekki einkabanki og helstu rökin fyrir einkavæðingunni á sínum tíma voru að þá væri EKKI ríkisábyrgð á athöfnum hans, var bara verið að blekkja almenning þá????

[Árni Gunnarsson, 18.9.2010 kl. 18:59]

Já, er nema von að spurt sé?

[Jóhannes Laxdal Baldvinsson, 18.9.2010 kl. 20:10]

Æi, ekki aftur icesave. Endurheimtur slitastjórnar gamla Landsbankans munu ganga uppí þessar forgangskröfur, sama hvað þið vælið. Við þurfum svo ekkert að rifja upp setningu bráðabirgðalaganna, er það nokkuð?

[Árni Gunnarsson, 18.9.2010 kl. 22:00]

Ég væli bara aldrei Jóhannes minn, í það minnsta ekki síðan ég hætti að vakna skelþunnur og komst að því að ég átti sök á þynnkunni sjálfur.

En ég trúi engum af þessum pólitíkusum lengur og kæmi aldrei í hug að treysta þeim fyrir sendibréfi né öskupoka.

Þess vegna vil ég fremur að við höldum okkur við að láta reyna á það hvort það sé ekki rétt sem jafnvel menn í ábyrgðarstöðum hjá ESB halda fram að við séum að brjóta lög með því að greiða þessa skuld sem stofnað var til af banka í einkarekstri.

[Ævar Rafn Kjartansson, 19.9.2010 kl. 23:54]

Þetta með þynnkuna. Ég hef nóg með mína eins og flestir Íslendingar. Til að þurfa að bera ábyrgð á einhverjum samningi þarftu að hafa tekið þátt í honum. Hafa haft af honum hugsanlegan ávinning. Íslenska þjóðin er svolítið hissa í framan með þetta dæmi enda tók hún ekki þátt. Hafði ekki ávinning af. Kom ekki að gerð samningsins. Þegar Steingrímur J. segir að við ætlum að heiðra okkar skuldbindingar hlýtur hann að vera að tala um eitthvað fólk sem hann þekkir. Fólk sem tók þátt í að blekkja breta og hollendinga.  Ég þekki engann sem tók þátt í því. 

[Jón Valur Jensson, 20.9.2010 kl. 19:31]

Góður Ævar Rafn! Og ekki þarf að spyrja að síðuhöfundi, sá kann lagið á því.