Ekki er þetta nú nein merkisfrétt

Þekkjum við einhver dæmi um annað en "bullundirskriftir" úr þessum híbýlum núna seinni missirin?

Bullundirskriftir raktar til stjórnarráðsins

Athugasemdir

[Bárður Bringdal (IP-tala skráð) 11.12.2009 kl. 21:37]

Djöfullinn hafi það að þetta Indefence fólk ætli að hafa það af mér að vera útnefndur "bullu-undirskriftarmeistari þessa vesæla lands" Helvíti hvað ég er móðgaður maður!!

[Árni Gunnarsson, 11.12.2009 kl. 22:54]

Eða eins og hann Ísleifur Gíslason kaupmaður á Króknum sagði forðum:

Einhvers staðar átti ég hatt

ef að vel er leitað.

En hvort það er lygi? ég segi það satt,

svei mér ef ég veit það.

[Bárður Bringdal eldri (IP-tala skráð) 11.12.2009 kl. 23:13]

Eða,

Einhverstaðar átti ég hatt

ef að vel er leitað.

Aldrei hef ég orð sagt satt,

og þó því ávalt neitað! 

[Óskar Guðmundsson (IP-tala skráð) 12.12.2009 kl. 01:01]

Einu sinni gerði ég Díl

nafn undir setti í riti

því ei er það mitt undan víl 

að á þjóðina ek skiti.....

kkv "kona ársins"

[Magnús Jónsson, 12.12.2009 kl. 04:09]

Árni: Gleymum ekki hverjir sátu á þingi, fyrir síðustu alþingiskosningar, það voru þeir sem skrifuðu undir. Sendum þá alla í frí í næsta prófkjöri. Allt annað eru svik við lýðræðið ekki satt.

[Árni Gunnarsson, 12.12.2009 kl. 13:00]

Magnús. Sannarlega hef ég ekki gleymt því og mun hvergi spara mig við að rifja það upp. Og mér finnst þessi ríkisstjórn óþarflega hógvær við að minna íhaldsmenn á þeirra hlut. Samfylkingin átti þar hinsvegar óskilinn hlut og kannski er ástæðan sú. En mikið styð ég Steingrím við þá ákvörðun hans að skoða skaðabótakröfur ríkisins á hendur pólitískum ábyrgðarmönnum bankahrunsins og aðgerða- eða aðgerðarleysis þegar mál voru farin að þróast hratt á ógæfuveginn.

[Karen Karlsdóttir (IP-tala skráð) 12.12.2009 kl. 13:01]

Selabæli og silungslús

svo mun maðurinn heita ,

naumlega þjáður af nit og lús

en nennir ekki að leita ----

Ef einhver kann ráðningu við þessari gátu -trúi ég að það sért þú

Árni Gunnarsson

[Þorsteinn Briem, 13.12.2009 kl. 16:17]

Gleðilegt jól, Árni minn!

[Þorsteinn Briem, 13.12.2009 kl. 16:24]

Kannski ætti orðið jól að vera til í eintölu, eins og hjól.

Gleðileg jól og farsælt komandi ár! Þakka kærlega liðin ár!

[Óskar Helgi Helgason (IP-tala skráð) 14.12.2009 kl. 01:10]

Heill og sæll Árni; æfinlega - sem þið önnur, hér á síðu hans !

Jah; þó ég beri, hina mestu virðingu, fyrir frammá mönnum undirskrifta þessarra, mun aðal hönnuður, að skipulagi núverandi húsráðenda, í Stjórnar ráðinu, við Lækjartorg Reykvízkra; Ólafur Ragnar Grímsson, hafa þær að engu, sé litið til ferils hans - nokkuð aftur; til fortíðarinnar.

Með beztu kveðjum; sem áður og fyrri - úr Árnesþingi /

Óskar Helgi Helgason 

[Óskar Helgi Helgason (IP-tala skráð) 14.12.2009 kl. 01:11]

Og; vel á minnst !

Gleðileg jól; Skagfirðingur góður.

ÓHH

[Lund Hervars (IP-tala skráð) 23.12.2009 kl. 22:56]

Gleðileg jól kæri Árni og takk fyrir allar þínar skemmtilegu og áhugaverðu færslur á árinu. Lifðu heill.

[Árni Gunnarsson, 24.12.2009 kl. 15:05]

Þakka góðar kveðjur. Gaman væri að fá forvitninni svalað og komast að því hver þú ert Lund Hervars og hvar við höfum kynnst?

En til ykkar allra:

     GLEÐILEG JÓL!

[Sneglu-Halli, 24.12.2009 kl. 18:45]

Árni!!! Eigi þykir mér gott að sjá að þú, ungi maður, lastir þá sem vinna hörðum höndum að því að bjarga þjóðarskútunni. Margt mætti betur gera í því háa ráðuneyti en hafi þeir þökk sem þar starfa og því fremur sem viljinn er meiri og getan minni.

[Árni Gunnarsson, 25.12.2009 kl. 00:02]

Sneglu-Halli. Ekki vil ég eyða jólanóttinni í að þrasa um íslenska póltíkusa. En nú legg ég til að þú takir þér í hönd þá bók sem inniheldur þáttinn af nafna þínum Sneglu-Halla og lesir vel yfir frásöguna af því þegar Sneglu Halli sýndi kóngi hvernig menn veiddu seli úti á Íslandi. Mér sýnist nefnilega að nú séum við Íslendingar staddir í hlutverki kóngsins en ESB og AGS í hlutverki Sneglu- Halla sem sneri fremur háðulega á kónginn með því að berja hann í hausinn í kennslustundinni en steypti sér í ána þegar kóngsi hugðist gjalda í sömu mynt.

Það kæmi mér á óvart ef strit ríkisstjórnarinnar bæri ekki þann eina ávöxt að "vinir okkar" veiti okkur náðarhöggið og taki öll völd í sínar hendur.

Gleðileg jól!

[Sneglu-Halli, 25.12.2009 kl. 00:15]

Viturlega mælir þú nú, unglingur kær, og þykir mér sómi að svörum þínum. En gáðu að því, hygginn drengur, að eigi er sá bóndi öfundsverður sem tekur við örreytiskoti með fallinn fjárstofn og ofureflismenn í túnfætinum.

Kveðjur af Kili, SH.

[Baldur (IP-tala skráð) 25.12.2009 kl. 19:15]

Steingrímur er sá versti, spilltastur af þeim öllum. Hann hefur selt sálu sína til þess að halda stól sínum og völdum svo skammarlegt er.  Hann bendir á aðra menn í samfélaginu, gott og vel en hann er sjálfur að ljúga og senda þjóðina til helvítis.  Aðalshlátursefnið í dag er Steingrímur sá sem talaði digurbarkalega í stjórnarandstöðu en sýnir getu og óhæfni sína daglega.