Tímamótadagur á Íslandi

Þetta eru óóóóótrúlegar fréttir!

Huuuuugsið ykkur, hver hefði trúúúúúúað þessu?

Nú breytist sko allt, blátt áfram aaaaallt.

Við sjá um fram á nýja tíma og nýtt Ísland.

_____Loksins.____________

En svona i alvöru talað. Er þetta aumingja fólk svo allslaust að það trúi því að einhverjum þyki það fréttir þótt skipt sé um andlit á svona samkundu?

Og ég spyr enn: Hvernig stendur á því að fjölmiðlar gera þessum bjálfum það til geðs að mæta á Bessastaði og taka með andköfum viðtöl við þetta fólk og mynda það í bak og fyrir?

Eitthvað kostar nú bara bensínið á bílana. 

Athugasemdir

[Sigurbjörg Eiríksdóttir, 2.9.2010 kl. 13:03]

Segi það með þér..Ég vissi ekki að það væri gúrkutíð núna:)

[Benedikta E, 2.9.2010 kl. 13:44]

Kannski hafa fjölmiðlar búist við því að forsetinn tæki umboðið af Jóhönnu - á ríkisráðsfundinum - úr því hún var mætt á Bessastaði í eigin persónu.

Ég held nú reyndar að forsetinn sé fyrir löngu síðan farinn að vonast eftir því að hún skili umboðinu.

[Gunnar Rögnvaldsson, 2.9.2010 kl. 13:52]

Þetta er svona Árni minn eftir að vinnustaður stjórnmálamanna fluttist í hringleikahús fjölmiðla. Alþingi heimsins eru nú notuð sem búningsklefi og förðunardeild fyrir sýningar þingmanna á sjálfum sér í fjölmiðlum. Nýtt fólk þarf svo alveg "bráðnauðsynlega"  að "marka tilvist sína" með nýjum tiltökum á kostnað almennings, bara einhverjum, sama hverjum, en þó helst að breyta einhverju, bara einhverju. Rífa helst niður og byggja enn dýrara og auðvitað á kostnað almennings. Almenningurinn við verðum að fá að sjá í verki að þetta fólk sé komið til valda þó svo að það sé jafnvel ekki fært um að stýra hníf né gaffli.

Svo er sest niður við að spýta út nýjum lögum og reglugerðum eins og hryðjuverkamenn með vélbyssur. Borgari X kvartar í sjónvarpi; nýjum lögum er strax spýtt út. Maður verður að standa sig. Skandall kemur í fjölmiðla og er matreiddur þaðan sem einmitt skandall; nýjum lögum er samstundis spýtt út í föðrunardeildinni. Svo koma þeir í sjónvarpið og berja á brjóst sér; sjáið hvað ÉG ég mikill þingmaður.

Humpf!

[Axel Jóhann Hallgrímsson, 2.9.2010 kl. 14:15]

Ríkisstjórnarskútan hriplekur og liggur undir áföllum þar sem hana flatrekur undan veðri og vindum og það eina sem áhöfninni dettur í hug til bjargar er að mála mastrið.

[Árni Gunnarsson, 2.9.2010 kl. 15:06]

Hárrétt athugað Axel, mála mastrið.

En þegar sanngini, já eða einhvers annars er gætt þá skal viðurkennt að flest okkar vilja nú ekki trúa því að heimska þessa vesalings fólk sé eins altæk og við okkur blasir. Það væri skelfilegt því eins og Gunnar kom inn á þá er það sannað að þetta fólk borðar með hníf og gaffli.

Og takk fyrir innlitið stelpurnar! mínar. Það er auðvitað ekki samboðið öldruðum manni að tala eins og fákænn táningur en tilefnið býður bara ekki upp á neitt annað form.

[karen karlsdóttir (IP-tala skráð) 2.9.2010 kl. 21:21]

Betra verra-verra betra -ég get ómögulega komið auga á það enda með kolvitlaus gleraugu -annars að vel athuguðu máli líst mér ágætlega á heilbrigðisráðherrann í hans starf -eeeen gef lítið fyrir hinn ,hefur hann einhverntíma getað verið sammála einhverjum eða nokkrum í hans stjórnartíð sbr..eins og fleiri í hans flokki ? Og haltu bara áfram að tala eins og fákænn táningur-þér fer það bara vel

[Marta B Helgadóttir, 3.9.2010 kl. 14:45]

Góð færsla hjá þér. Maður veit ekki hvort þetta er hlægilegt eða grátlegt. Ég kýs að hlægja að þessum skrípaleik

[Katrín G E, 3.9.2010 kl. 15:26]

En Árni, er þetta ekki bara eins og við er að búast ?!  Annars er nú eitt mál sem mér þætti athyglisvert að skoðað yrði og það er "mútuþægni" 

[Árni Gunnarsson, 3.9.2010 kl. 16:03]

Takk fyrir innlitið og hvatningarorðin Karen. Ég mun reyna að leggja mig fram við þennan talsmáta hér eftir sem hingað til og nú í þeirri trú að það fari mér vel.

[Árni Gunnarsson, 3.9.2010 kl. 19:06]

Takk fyrir innlitið Marta. Já, auðvitað hlægjum við á meðan við getum.

Og Katrín: þessi ályktun þin um rannsókn á mútuþægni hefur líklega komið upp í huga okkar flestra. Grunur um það athæfi er auðvitað sterkur og styrkist með hverjum degi sem líður án þess að nokkrir sannfærandi tilburðir sjáist í þá veru að fullnusta rannsókn einhverra mála með ákærum.

En grunur um þennan samfélagslega óþverra er nú ekki nýr af nálinni þótt nú sýnist mörgum keyra um þverbak.

Þarna er um að ræða skæðan smitsjúkdóm sem lengi hefur geisað hér og mér sýnist hafa stökkbreyst í siðræna úrkynjun. 

[Smér af hverju strái (IP-tala skráð) 3.9.2010 kl. 20:16]

Mæltu manna heilastur kæri frændi, eins og breski predikarinn Spurgeon sagði eitt sinn "Það bætir ekkert úr heimskunni þótt hún sé öskruð upp". Er nokkuð annars að frétta af hrossum frá þér fóstri?

[Árni Gunnarsson, 3.9.2010 kl. 22:56]

Nú vita flestir betur en ég hvað fréttnæmt muni vera af hrossum frá mér.

En í yfirfærði merkingu vænti ég þess að þar drjúpi smjör af hverju strái líkt og venjulega enda engin venjuleg strá um að ræða þar,

[Ómar Gíslason, 6.9.2010 kl. 01:02]

Getum við líka ekki sagt að þetta sé þriðja stjórnin á 2 árum. Ég held að við förum að slá nýtt met.