Nýjar upplýsingar um störf sáttanefndarinnar

Nú voru þeir Einar Kr. Guðfinnsson og Guðmundur Franklín að keppast við það að vera sammála um það á Útv. Sögu að bera lof á tillögur sáttanefndar um breytingar á stjórnun fiskveiða.

Einari var mikið niðri fyrir þegar hann talaði um þessa sáttaleið sem hann taldi mikla snilldarlausn.

Og í tengslum við það kom hann inn á það að "hvað eftir annað hefði verið kallað eftir "samræði" um nýtingu þessarar auðlindar. 

Hver fjandinn var eiginlega þarna í gangi?

Var það þá kynlífsorgía eftir allt saman?

Athugasemdir

[Jóhann Elíasson, 11.9.2010 kl. 11:17]

Það skyldi þó aldrei vera, að þessar "fínu" tillögur, hafi átt uppruna sinn í einhverri "orgíu"???  

[Árni Gunnarsson, 11.9.2010 kl. 11:26]

Hvað á maður að halda Jóhann?

[Auðun Gíslason, 11.9.2010 kl. 13:01]

Allar tillögur sem miða að því að færa auðlindirnar, og arðinn af þeim, frá þjóðinni munu leiða langvarandi fátækt yfir almúgann! 

Á arðurinn af sjávarauðlindunum að ganga til fjármálafyrirtækjanna, einsog nú er, eða til þjóðarinnar?  Það er spurningin.  Skuldsetta útgerð verður einfaldlega að setja í gjaldþrot ráði hún ekki við greiðslur án breytinga (Samningaleiðin er ekki breyting, heldur er núverandi kerfi fastara í sessi).  Og hindra jafnframt, að kvótinn færist til kröfuhafa með lagasetningu án möguleikum á bótum!

Maður verður að ætla, að Einari K sé stirt um mál sérstaklega þegar hann reynir að tala gáfulega!!!

[Jóhann Elíasson, 11.9.2010 kl. 13:26]

Ég held að það sé Einari K. Guðfinnssyni um megn að tala þannig eða vera þannig að hann sé gáfulegur.

[Árni Gunnarsson, 11.9.2010 kl. 14:52]

Auðun. Samningaleiðin virðist í fljótu bragð vera samningur um að staðfesta framhald og lögfestingu örbirgðar í sjávarplássum Íslands. Mér um megn að skilja hvernig á því stóð að Jón Bjarnason lét þetta stórpólitíska deilumál í jafn vonlausan farveg og raunin varð.

Einar Kr. er auðvitað ekki heimskingi í venjulegum skilningi þess hugtaks. Þvert á móti er Einar stórhættulega vel máli farinn og snarpgreindur pólitíkus en á sama hátt jafn þægur og auðteymdur eins og fulltrúar Sjálfstæðisflokks á Alþingi þurfa ævinlega að vera.

Samþjöppun sameiginlegra verðmæta þjóðarinnar til afhendingar góðvinum Flokksklansins er Alfa og Omega flestra/allra? fulltrúa Flokksins á Alþingi Íslands.

Það er ekki lengur nein opinberun nokkrum Íslendingi. 

[Árni Gunnarsson, 11.9.2010 kl. 14:56]

Nú er ég ekki sammála þér Jóhann og vísa til #5.

Auðvitað varð mannbjálfanum þarna á að mismæla sig klúðurslega í öllu málæðinu.

[Jóhann Elíasson, 11.9.2010 kl. 22:09]

Árni, kannski erum við ekki sammála þarna en ég tala þarna út frá samskiptum, sem ég átti við Einar K. Guðfinnsson árið 1995 og eftir þau samskipti er hann ekki hátt skrifaður hvorki sem persóna eða stjórnmálamaður...............

[Árni Gunnarsson, 11.9.2010 kl. 22:33]

Seint mun ég munnhöggvast við þig Jóhann um pólitíkusinn Einar Kr. og vitsmunir hans eru mér ekki viðkvæmt efni.

Hvergi mun saga íslenskra stjórnmála á tíð þess manns rísa hærra af hans völdum en öllu fremur á hinn veginn.