Stendur iðnaðarráðherra fyrir náttúruspjöllum?

Nú hefur verið ákveðið að hefja tilraunaboranir í Gjástykki og talað um kostnað sem nemi hundruðum milljóna. Þetta er gert í óþökk umhverfisráðherrans og í trássi við fyrirhugaða friðun svæðisins.

Er ekki orðin ástæða til að stjórnvöld taki sig á og láti meta þau svæði sem friða skal? Það er óþolandi að í hvert sinn sem atvinnuleysi gerir vart við sig sé ráðist á nærliggjandi virkjunarkost með stóriðju að áformi. Rétt eins og aðrar þjóðir verðum við að sætta okkur við að leysa atvinnuþörf með öðrum ráðum en orkufrekum iðnaði. 

Mótmælir rannsóknarleyfi

Athugasemdir

[Ómar Geirsson, 11.1.2011 kl. 18:53]

Blessaður Árni.

Sérstaklega í ljósi þess, að virkjanlega orka er næstum því uppurin.  Dugar í svo sem tvö Fjarðarál í viðbót.

Fjarðarál skaffar beint og óbeint um 2.000 manns vinnu, það er á Íslandi, fleiri ef útlönd er talið með.

Það notar orku sem dygði handa milljóna stórborg, hvað skyldu margir vinna í einni milljónaborg???  

Þetta er allavega ekki sjálfbær atvinnustefna, hvert stóriðjuskref býr til meiri vanda en það leysir.  Og boltinn rúllar í mesta lagi 10 ár í viðbót.

Hvað verður um verktakaiðnaðinn þá??????

Skiptir engu máli kannski því hann er alltaf gjaldþrota eftir hvert stóriðjuævintýrið, honum verður kannski leyft að fara í þrot þegar síðasta sprænan er virkjuð, útlendingum til heilla.

En þetta með iðnaðarráðherra, hún er aðeins að vinna eftir stefnu ríkisstjórnarinnar sem ætlaði ef ég man rétt, að skapa um 3.000 störf með stóriðjuframkvæmdum, nú þegar á árinu sem er að líða.

Kannski seint í rass gripið, en þetta er ekki hennar einkaflipp.

Kveðja að austan. 

[Árni Gunnarsson, 11.1.2011 kl. 19:49]

Þakka þér innlitið Ómar og mikið er ég þér sammála nú sem oftar. En góðu fréttirnar eru auðvitað þær að forstjóri Landsvirkjunar hefur ákveðið að nýta sér ekki þetta "leyfi." Reyndar hefur það komið áður í ljós að þessi nýi forstjóri er gæddur meiri þroska en fyrirrennari hans.

[Ómar Geirsson, 11.1.2011 kl. 20:52]

Já, og fyrsta verk hans var að fá arð af raforkusölunni til Fjarðaáls, eitthvað sem pólitíkusarnir héldu að væri, en rekstrarmaður sá strax heimskuna við að tengja orkuverð við eitthvað sem óhjákvæmilega mun lækka vegna tækniframfara og aukinnar framleiðni.

Það segir svo margt um vitræna umræðu á Íslandi, að framsóknarráðherrann gat gert Þorstein Siglaugsson hagfræðing tortryggilegan þegar hann benti á þessa  raunlækkun á álverði vegna framleiðniaukningar, eitthvað sem er óhjákvæmilegt í nútímaframleiðsluumhverfi.  Það var bara eins og menn hefðu aldrei minnst á slíkt fyrr.

En Hörður þekkti til þessa grunnstaðreynda, og lét það verða sitt fyrsta verk að tengja álverðið við heimsmarkaðsverð á raforku, ekki áli.  Hann er jú í raforkuframleiðslu.

En mannvit og álvit er víst ekki sami hluturinn.

Kveðja að austan.

[Gunnar Th. Gunnarsson, 13.1.2011 kl. 01:55]

Hér má sjá þróun álverðs sl. 10 ár.

Þegar samningurinn um orkukaup var gerður við Fjarðaál, var álverð nálægt 1.350$ á tonnið. Reiknað var með (og er enn) að raunvirði áls færi örlítið hækkandi (að meðatali, næstu áratugi, en þó sveiflukennt). Mikið verðfall varð þegar hin alþjóðlega fjármálakreppa skall á heimsbyggðinni, en þó fór verðið ekki niður fyrir upphaflega viðmiðunarverðið.

[Gunnar Th. Gunnarsson, 13.1.2011 kl. 02:03]

Þorsteinn Siglaugsson skeit langt upp á bak þegar hann lét náttúruverndarsamtök "kaupa" sig. Náttúruverndarsamtökin báðu um tiltekna niðurstöðu frá honum og fengu hana.

Það er mjög líklegt að raforkuverð hækki, en það kemur til með að hækka álverð. Auk þess fara kröfur um mengunarvarnir stigvaxanadi (sem betur fer) og það gerir framleiðsluna ekki ódýrari. Þar ofaná koma losunarskattar og fl.í þeim dúr.

Það þýðir ekkert að gaspra út í loftið, Ómar, bull og þvælu frá umhverfissamtökum. Þau nærast á (og beinlínis þéna) á móðursýkislegri umræðu um umhverfismál.

[Gunnar Th. Gunnarsson, 13.1.2011 kl. 02:07]

Eins og sést á grafinu hér að ofan, þá er álverð nú um 2.500$ tonnið, en það er langt fyrir ofan bjartsýnustu spár Lnadsvirkjunnar. Sömuleiðis er meðalálverð, frá því samningar voru undirritaðir við Fjarðaál, mun hærra en arðsemisútreikningar LV gerðu ráð fyrir.

[Gunnar Th. Gunnarsson, 13.1.2011 kl. 02:08]

Samningurinn við Fjarðaál var undirritaður 15. mars 2003