Eru sárustu svikin óbirt ennþá?

......."Séu þær fréttir réttar er hér um að ræða hrikalegustu svik við íslenskan almenning; lokaskrefið í mesta þjófnaði Íslandssögunnar."

Eru þessi orð tekin úr tölvupósti sem barst mér fyrir nokkrum mínútum eða er mig að dreyma?

En óneitanlega fer þeim nú fjölgandi sem halda því fram að ríkisstjórnin muni bregðast öllum væntingum um breytingar til einhvers teljandi gagns á stjórn fiskveiða í óbirtu frumvarpi.

Enn er ég þó ófáanlegur til að trúa því að Jón Bjarnason standi að slíkum svikum við þjóð sína og þá allra síst fólkið úti á landsbyggðinni.  

Athugasemdir

[Elle_, 19.3.2011 kl. 23:38]

Árni, ég hef líka ekki viljað trúa að Jón Bjarnason sviki okkur.  Hann gerði það nú samt í ICESAVE1 + 2 + 3.  Hví gerði hann það??  Skilur hann ekki alvarleika málsins eða hvað ætti maður að halda?

[Elle_, 20.3.2011 kl. 00:03]

Líka, ég var að lesa aftur pistilinn þinn: Stóri bróðir óbilandi á vaktinni og held ég hljóti að hafa misskilið hvað þú meintir.  Tek það fram að ég var ekki að hæðast. 

[Ragnar Eiríksson, 20.3.2011 kl. 00:12]

Þú varður að fara að tala skýrt Árni minn!    Annað hvort er þetta úr tölvupósti eða þig er að dreyma!    Hvað er þig að dreyma þessa dagana - eða hvað er á bak við tölvupóstinn og hvaða svik er um að ræða?   Er LÍÚ að sigra heiminn (eða spila á Villa Egils?)

Kveðja,

Ragnar E.

[Árni Gunnarsson, 20.3.2011 kl. 00:22]

Ég upplýsi ekki um sendandann Ragnar minn. Það sem um er að ræða er auðvitað það að nú telja margir sig vita það að LÍÚ sé búið að vinna orrustuna um aflaheimildirnar og þær breytingar sem gerðar verði á kerfinu verði bara til málamynda fyrir þá sem ekki skilja um hvað málið snýst.

Þeir Ragnar Árnason og Helgi Áss eru búnir að vera duglegir við að tala á Rúv og á fundum við krakkana úr leik.. Háskólanum þar sem þeir hafa farið vandlega yfir hagrænu rök kvótaeigendanna.

Æi, þetta er bara orðið svo vitlaust allt saman og maður skammast sín fyrir aðð hafa trúað því að Ísland myndi breytast til batnaðar eftir hrunið. 

Það var kannski varla von að nokkur tryði því að það versnaði jafn illilega og raunin varð.

[Aðalsteinn Agnarsson, 20.3.2011 kl. 01:26]

Lengi getur vont versnað, ef satt er.

[Árni Gunnarsson, 20.3.2011 kl. 08:05]

Já, það er auðvitað vandalalítið að reka útgerð á framfæri landsbyggðarinnar og þjóðarinnar allrar eins og gert er í dag.

[Tryggvi Þórarinsson, 20.3.2011 kl. 08:38]

Halda menn að hér sé bara um smá mál að ræða sem hægt er að henda fram og samþykkja á alþingi eins og ekkert sé. Ég held að byrjunin sé að skoða málið rækilega og fara yfir það lið fyrir lið og ræða, já ræða við menn um hvers kynd breitinga sé þörf á kerfinu og gera það í sátt við útgerðamenn, Það þarf að fara leggja þessi hrokavinnubrögð til hliðar og fara að vinna eins og siðmenntað fólk. Alþingi nær aldrei árangri varðandi breytingar sjávarútvegsmála nema í sátt við samningsaðila. 

[Jóhann Elíasson, 20.3.2011 kl. 08:53]

Já, Árni það verða ekki gerðar neinar breytingar á kvótakerfinu, sem máli skipta.  Sjálfstæðisflokkurinn fékk óbreytt kvótakerfi í "skiptum" fyrir breytta afstöðu til Ices(L)ave-klafans.

[Árni Gunnarsson, 20.3.2011 kl. 10:31]

Jóhann. Það er slæmt að svo margir halda þessu fram að ég hallast æ meira í átt til að trúa því. Og ef svo er þá segir það okkur óhugnanlega sögu um þá ægilegu spillingu sem náð hefur að þróast í samspili pólitíkusa og öflugra valdastétta í atvinnulífi.

[Árni Gunnarsson, 20.3.2011 kl. 10:43]

Um hvað ertu að tala Tryggvi og hvern ertu að ávarpa? Líklega hef ég verið farinn að velta þessum málum fyrir mér áður en þú fermdist og þar að auki starfaði ég í þessari atvinnugrein á fjölmörgum sviðum um áratugaskeið. Hvað allar umræður varðar þá er þess skemmst að minnast að í meira en ár var nefnd á vegum Alþingis að störfum með hagsmunaaðilum við að skoða þessi mál í tilliti breytinga.

Stóri sannleikur þessa máls er að útgerðir hafa fengið aðgang að þessari auðlind án endurgjalds utan þess að nokkrar útgerðir hafa tekið sér þræla í formi leiguliða og komist upp með að hirða leigu sem í raun hefði átt að renna til þjóðarinnar.

Útgerðir á borð við Skinney/ Þinganes á Hornafirði fengu að gjöf frá þjóðinni verðmæti í formi aflaheimilda sem nema milljarðatugum.

Óþarft er að gleyma því að Halldór Ásgrímsson er erfðaprins annars helmings þessarar útgerðar og fyrrum sjávarútvegsráðherra og forsætisráðherra.

Þetta er alvarlegt mál Tryggvi og er þó flest það ljótasta ósagt.

[Kristinn Karl Brynjarsson, 20.3.2011 kl. 11:25]

Það má nú samt alveg velta því fyrir sér, hvort að þau stjórnvöld er lögfestu framsal aflaheimilda, hafi ekki rauninni búið til ,,eign" útgerða á þeim aflaheimildum sem þær höfðu og þar með veitt þeim heimild til þess að ráðstafa þeim að vild?

[Axel Jóhann Hallgrímsson, 20.3.2011 kl. 12:52]

Það yrði óneytanlega áfall ef satt væri. En hvaðan er þessi málflutningur komin? Hatursmenn þessarar ríkisstjórnar hafa ekki unnt sér hvíldar að rógbera hana. Þar hefur tilgangurinn verið látin helga meðalið og sótt í aðferðafræði félaga Göbbels, sem vissi manna best að væri lygin endurtekin nógu oft færi fólk að trúa henni.

[Árni Gunnarsson, 20.3.2011 kl. 13:41]

Þetta með hatursmenn ríkisstjórnarinnar er rétt að nokkru Axel. Það var mikið slys og óbætanlegt að ríkisstjórninni skyldi ekki takast að vinna með þjóðinni í stað þess að storka henni í jafn mörgu efni og raun ber vitni. Það er mál sem ekki verður tekið til umræðu hér og nú en full ástæða til að gera skil því það var eitt mesta pólitíska slys sem ég man til og man þó langt.

En mínar heimildir eru ógnvænlega trúverðugar.

[Árni Gunnarsson, 20.3.2011 kl. 14:18]

Það er alveg nægilega sterkt kveðið að orði í lögunum um stjórn fiskveiða Kristinn Karl. Þar er tekinn af allur vafi um það að úthlutun aflaheimilda skapi engan eignarrétt.

Þessi ályktun þín er því varla þess virði að hlægja að henni en þú ert þar staddur í pólitísku trúarlífi sem almenningseign er ekki viðurkennd sem niðurstaða í neinu máli ef einhvers ábata er að vænta. 

[Kristinn Karl Brynjarsson, 20.3.2011 kl. 15:17]

Þú getur kallað þessa spurningu mína eða ályktun, hvað sem er Árni minn, mér að skaðlausu.  Enn framsal breytir engu að síður tvennu.  Fyrir það fyrsta þá verður úthlutuð aflahlutdeild að ,,eign", ef það er gert leyfilegt með lögum að selja hana. Og í öðru lagi, þá breytist keypt aflahlutdeild úr því að vera úthlutuð aflahlutdeild í keypta aflahlutdeild.

Hins vegar má vel vera að ákvæði  um framsal aflahlutdeilda  gangi gegn lögum um stjórn fiskveiða.  

Ég geri engan ágreining um eignarrétt þjóðarinnar á fisknum í hafinu hér í kringum landið, frekar en um aðra hluti sem teljast þjóðareign.  

 En það breytir því samt ekki að það er löggjafans hverju sinni að setja lög er segja til um umsýslu þjóðareigna.   En ef að sú lagasetning ferst ekki betur en svo úr hendi, að lög annað hvort stangast á við önnur lög, eða ákvæði laga stangast á við önnur ákvæði sömu laga, þá er líklegast ekki von á góðu. 

[Árni Gunnarsson, 20.3.2011 kl. 16:01]

Hárrétt athugað Kristinn Karl að eftirfylgni þessa ákvæðis um sameign hefur verið vanrækt og það virt að geðþótta. Það er þess vegna ástæða til að takast á við þetta núna og setja skýr ákvæði um ráðstöfun úthlutaðra aflaheimilda og skorður þar sem þess þarf.

Ef stjónmálamenn meina eitthvað með því að segjast vilja uppræta pólitíska spillingu þá er byrjunin þarna. Því þegar/ef tekst að koma þessu deilumáli í heiðarlegan farveg þá er eftirleikurinn auðveldari enda spillingin áþreifanlegust þarna.

Þarna eru og höfuðstöðvarnar að margra dómi.

[Óskar Arnórsson, 20.3.2011 kl. 21:04]

Ég held að íslendingar séu í eðli sínu spillt þjóð og eigingjörn án þess að skilja það sjálfir. Eða á frekar að segja: "Bráðgáfuð, vel menntuð pelabörn". Börn og vanþroska gráðugt fólk er oft ótrúlega grimmt við hvort annað...

[Óskar Helgi Helgason (IP-tala skráð) 21.3.2011 kl. 17:43]

Heill og sæll Árni - sem aðrir gestir, þínir !

Árni !

Þér; að segja, á ekki að vera, um neina FISKVEIÐISTJÓRNUN að ræða hér, framar.

Vinir mínir; hjá Landsambandi íslenzkra útvegsmanna, hafa margsinnis, brugðist þeirri áskorun minni, að hætta að taka við, ómeltu þvaðri þeirra Ráðuneytismanna - svo og; Hafrannsókna stofnunar, svo bezt fer á því, að við færum aftur til þess, sem var, á árunum 1970 - og þar; í kring.

Þess utan; veitir nú ekki af, að veiða ómælt, þær tegundir sem í boði eru, á okkar miðum, sem og hjá bræðrum mínum;; Rússum, norður í Barentshafi, enþá aðeins, með því skilyrði, að rumpu lýður núverandi stjórnmála - og fylgis menn þeirra, verði útlægir gerir, af landinu, algjörlega.

Um; 7000 manns er að ræða, í mínum huga - og má Skagstrendingurinn Axel Jóhann, stórvinur minn nú, fara að reikna.

Innan þessa hóps; eru einmitt, fjölmargir vina hans, einnig.

Það þarf víðar; en suður í Líbýu, að hreinsa ærlega til, gott fólk !

Með beztu kveðjum; sem jafnan /

Óskar Helgi 

[Árni Gunnarsson, 21.3.2011 kl. 18:52]

Þakka ykkur fyrir komuna ágætu nafnar. Ég held að við Íslendingar séum að versna frá ári til árs og er uggandi um framtíðina ef ekki verðir breyting á.

Fiskveiðistjórnun er staðreynd sem við munum þurfa að búa við. Þess vegna er ástæða til að fylgjast vel með því hvernig þeim málum verður skipað til framtíðar.

Það sem ég óttast mest er heimskulegar breytingar og hættulegar sem ákveðnar verði til lengri tíma. Það er misskilningur hjá þér minn ágæti Óskar Helgi að LÍÚ þurfi að þola heimskulegar ákvarðanir Hafró. Mín skoðun er sú að LÍÚ hafi stjórn og vísindamenn Hafró í tóbaksdósunum sínum. 

Láttu mig vita þegar Axel Jóhann verður búinn að reikna dæmið.

[Óskar Helgi Helgason (IP-tala skráð) 21.3.2011 kl. 22:29]

Komið þið sæl; að nýju !

Árni !

Sem fyrr; kysi ég helzt, að Landnáms fyrirkomulagið gilti áfram, í sjávarútvegi, sem verið hafði, svo; fram komi.

Mögulega; er ætlan þín, um samtvinnun Hafrannsóknar stofnunar og LÍÚ, dag sanna - og; að vandlega yfirveguðu máli, staðreynd, sem slík.

Axel Jóhann; hinn knái Austur- Húnvetningur, hefir alveg getu til, að reikna út, frá því kraðaki stjórnmála - embættismanna og annarra Svörtulofta fyrirbrigða, sem okkur er svo brýnt, að losna við, til varanlegrar útlegðar, Árni Skagfirðingur.

Með; sízt lakari kveðjum - en, öðrum fyrri /

Óskar Helgi 

[Árni Gunnarsson, 23.3.2011 kl. 08:37]

Óskar Helgi. Nú er svo mikið um þorsk á Íslandsmiðum að ég man varla aðrar hliðstæðar aflafregnir. Fiskurinn er vænn og menn tvíhlaða á minni bátum. Af stærsta línuveiðara okkar frá landnámi sem nú er gerður út frá Grindavík berast þær fréttir að meðalþyngd sé um 10 kg.

Svona fréttir skelfa forystu LÍÚ sem þarf að halda uppi verði á kvóta til að halda veðinu tryggu. Það er svo komið að okkur varðar ekki lengur um frumþarfirnar heldur "verðmæti í bókhaldi."

Og þetta á víst við um okkur Skagfirðinga jafnt sem Austur - Húnvetninga og Árnesinga.