Góð loftgæði í Reykjavík

Það er auðvitað fagaðarefni ef íbúar höfuðborgarsvæðisins ná því að lifa sólskinsdag án teljandi hættu af útgeislun hagvaxtar frá Hengilssvæðinu svonefndu.

En hvenær varð það góð málnotkun að tala um góð gæði?

Hún er falleg fegurðin á vorin!

Hann er óvenju heitur hitinn í hvernum!

Hann er óvenju hraður hraðinn á bílnum!

Óskaplega er löng lengdin á veginum!

Dæmalaus andsk. vitleysa er farin að sjást í rituðu máli. 

Mikil loftgæði í Reykjavík

Athugasemdir

[ÞJÓÐARSÁLIN, 25.5.2011 kl. 16:56]

Já, ég fann líka fyrir köldum kuldahrolli, þegar ég las þessa fyrirsögn.

[Árni Gunnarsson, 25.5.2011 kl. 17:43]

Því má bæta við að þetta dæmalausa bull um "góð gæði" er að festast í málinu án þess að við því sé spornað svo séð verði.

Svona ámóta og að nú er bíllinn að keyra yfir brúnna en forðast að aka yfir brúna.

Og karlinn fékk sér í tánna í gær en kerlingin lét sér nægja að fá sér í tána.

[Magnús Jónsson, 25.5.2011 kl. 20:47]

Árni: Og bílar keyra ekki neitt, þeim er ekið :-).

[Júlíus Björnsson, 25.5.2011 kl. 21:21]

Aukning kostnaðar vegna glæpamanna, og hrein fjárfesting í glæpum og læknadópsölu fellur undir hag-vöxt. Dæmi um ennþá verri heilaþvott.  Búskaparfræði er mikið betra. Ríkisbúskapar fræði sem myndi þá greinast óhagstæð eða hagstæð.  

[Árni Gunnarsson, 26.5.2011 kl. 09:29]

Góð ábending Magnús!