Þær vilja klára dæmið og stöðva hringlandaháttinn

Er ekki kominn tími til að stöðva þennan fjandans hringlandahátt?

Auðvitað er vonlaust að tala endalaust um sátt eða sáttaleiðir í þessu heitasta hagsmunamáli þjóðarinnar og þar með umdeildasta.

LÍÚ hefur allt frá upphafi þessarar umræðu kostað kapps við að setja málið í uppnám og komist upp með að stöðva vinnuna ítrekað.

Auðvitað á að gefa handfæraveiðar frjálsar en þó líklega með einhverjum skynsamlegum reglum um stærð og búnað bátanna.

Þetta er samningsefni vistkerfisins og mannsins.

Og það mun ekki verða fundin á þessu máli ein lausn og endanleg á næsta haustþingi.

Af því að þetta er ekki spurning um krókalausustu leiðina til hámarksarðsemi fyrirtækis í kauphallarviðskiptum þótt ýmsum finnist það sjálfgefið.

 

Vilja endurskrifa frumvarpið

Athugasemdir

[Axel Jóhann Hallgrímsson, 29.9.2011 kl. 13:31]

Það er ekkert til sem kallast getur sáttaleið í þessu máli. Útvegsmenn gangast aldrei inn á "sátt" sem er ekki alfarið þeirra megin veggjar. Ef turtildúfurnar liggja á betri lausn en núverandi frumvarp, þá eiga þær ekkert að fjasa um þetta í fjölmiðlum heldur að ganga í verkið og stilla því svo upp fullsmíðuðu við hlið frumvarpsins.  

[Árni Gunnarsson, 29.9.2011 kl. 13:54]

Það er búið að hringla of lengi í kjaftæðinu um sáttaleiðina sem auðvitað er einungis til þess að drepa málinu á dreif.

Ég held að frumvarpið sé bastarður sem hafði þennan óframkvæmanlega sáttatilgang.

Umræðan er öfgafull og heiftin allsráðandi.

Auðvitað þurfa vel reknar útgerðir að að geta fótað sig fram í tímann og ástæðulaust að búa til einhvern gálga eða gapastokk fyrir dugmikla útvegsmenn. 

Mesta svigrúmið er í strandveiðunum þar sem vistvæn veiðarfæri eru notuð. Handfærin eru ekki ógn við neina fiskistofna því þegar afli er tregur þá hætta menn að róa. Og þótt aflahruta komi á handfærin þá er þess að gæta að samkvæmt þeim rannsóknum sem gerðar hafa verið er svo lítill hluti fiskitorfunnar veiðanlegur á færin að það nær ekki enu prósenti.

Frelsi til handfæraveiða er gífurlegt og jákvætt inngrip í mannréttindi og afturhvarf til þeirra tíma þegar mannlíf í fiskiplássum litaðist af aflabrögðum á grunnslóð.

Í dag sýnist mér allt samfélagið á nálum vegna reglugerðafrumskógarins.

En svo vil ég hvetja alla mína gesti til að lesa nýjasta bloggið hans Níelsar Ársælssonar.

Þar er býsna merkilegt frumvarp til breytinga á fiskveiðistjórn.

[S. Þórarins (IP-tala skráð) 29.9.2011 kl. 14:07]

Lýst að mörgu leiti vel á tillögur Lilju Rafneyjar og Ólínu.

Strandveiðar:

1. Þeirra tilögur eru að veiði tímabil standveiða verði sex mánuði.

Hefði vilja sjá ca. 15 daga í mánuði allt árið.

2. bátar minni en 15 brúttótonn.

Hefði vilja miða við báta 12 metrar og styttri, því pungaprófið niðast við báta 12 metrar og styttri.

3. Tvær handfærarúllur um borð.

Hefði vilja að miðað yrði við 4 handfærarúllur um borð, því 2 handfærarúkkur bjóða aðeins upp á að í áhöfn sé einn maður, og einn maður í áhöfn, er algjörlega ósjálfbjarga ef eitthvað kemur upp á veikindi slys og fl. óvænt.

4. Skráður eigandi siglir bátnum(lögskráður á bát)

Eigendur jafnstórra báta í krókaaflamarkskerfinu þurfa ekki að vera lögskráðir á sína báta.

Þetta stenst ekki 11gr. stjórnsýslulaga(jafnræðisregluna)og ekki heldur 65gr. stjórnarskrárinnar, allir skulu jafnir fyrir lögum.

5. Veitt verði 5 daga vikunnar.

Hefði viljað sjá 12-15 daga í mánuði allt árið.

því meðalafli á úthaldsdag, gæti skilað betri hafransólnum, um ástan þorkstofnsins, en Hafró hefur skilað síðastliðin 20-30 ár.Síðan þurfa makríl veiðar að vera algjörlega frjálsar fyrir

þessa báta.

[Jón Kristjánsson, 29.9.2011 kl. 14:27]

Árni
Ég renndi yfir plaggið frá Ólínu og Lilju. Alveg er það merkilegt að hvergi skuli vera minnst á að forsendur fiskveiðistjórnarinnar, að friða fisk til að geta veitt m,eira seinna eru rangar og hafa ekki staðist. Búið er að reyna þetta í 30 ár með neikvæðum árangri. Sífellt er talað um hver eigi að fá þetta og hver eigi að fá hitt. Aldrei um hvort ekki megi uppskera meira úr hafinu með öðrum stjórnunaraðferðum eins og t.d veiða meira, sérsaklega af yngri fiski eins og gert var áður, til að örva vöxt og framleiðslu stofnsins.
Um þetta segja þær: "Lög um stjórn fiskveiða verði endurskoðuð í heild með það að markmiði að stuðla að vernd fiskistofna, hagkvæmri nýtingu auðlinda sjávar".

Greinilegt er engar nýjar faglegar upplýsingar hafa skilað sér til þeirra. Það fæst ekki meiri uppskera með verndun. það er fullreynt.
Ennfremur: "Skipa ráðgefandi hópa útgerðarmanna og sjómanna varðandi veiðiráðgjöf og nýtingu sjávarauðlinda og ástand í lífríki sjávar".

Útgerðarmanna? Við vitum hvað þeir munu segja. Sjómanna? Hverra, þessara handjárnuðu og múlbundnu?

[Óskar Arnórsson, 29.9.2011 kl. 15:16]

Orðatiltæki nútíma valdafíknar er: "Allt mitt er mitt og allt þitt er mitt!"...tek undir með Axel Jóhann. Það er engin áhugi á neinn lausn. Lausn þíðir að menn verða að gefa eftir af þýfinu sem þeir hafa náð í og það gerir aldrei neinn af vissri sort fólks...

Menn þurfa að sameinast um að láta eins og þessar reglur séu ekki til og segja ekki eitt einasta orð á meðan. Þá gengur þetta og menn semja ...

[Sleggjan og Hvellurinn, 29.9.2011 kl. 16:44]

Jón Steinsson var með góða lausn sem byggja á markaðslausnum.

[Árni Gunnarsson, 29.9.2011 kl. 19:46]

Markaðslausnir! Kannski duga markaðslausnir til að ná jafnvægi í lífríki sjávar.

Það er auðvitað hárrétt hjá Jóni Kristjánssyni að þar til stjórnun fiskveiða tekur mið af ástandi sjávar, þ.e. vaxtarskilyrðum og veiðiþoli eru allar reglur um sókn og aflamagn í skötulíki.

Það hefur verið stungið upp á því að þrautveiða á afmörkuðum svæðum til að skoða endurnýjun og veiðþol en því er ekki ansað.

Allt skal vera unnið í tölvulíkönum.

Það væri ekki burðugt ástandið í Barentshafinu ef Hafró, Alþjóðahafrannsóknarstofnunin og Alþingi Íslands hefði ráðið för.

[Óskar Helgi Helgason (IP-tala skráð) 30.9.2011 kl. 00:10]

Heill og sæll Árni; sem og aðrir gestir, þínir !

Árni !

Það er vart; að ég nenni að elta ólar, við móðursýkis hugarfóstur; jafnöldru minnar Ólínu - og þeirra Lilju; þér, að segja.

Nú um stundir; notar Alþingis pack, allra 4ra flokkanna, hverja einustu smugu, til þess að drepa athygli landsmanna, á sem mesta dreif, sem kunnugt er, frá allra brýnustu vandkvæðunum.

Þessar tvær; ekki undanskildar, Skagfirðingur góður.

Með beztu kveðjum; úr Árnesþingi, jafnan /

Óskar Helgi Helgason 

[Árni Gunnarsson, 30.9.2011 kl. 10:53]

Nú erum við bara ekki alveg sammála Óskar Helgi. Ég hef nefnilega sterka trú á því að báðar þessar konur vilji raunverulega breyta þessu fjandans kerfi.

Þær trúa því - sem líklega er rétt skilið - að frumvarp Jóns Bjarnasonar sé meingallað og vilja lagfæra það.

Núverandi kerfi er auðvitað beinlínis rangt og auk þess líklega hættulegra fiskistofnum okkar en algert stjórnleysi.

Það er nefnilega ekki sjálfgefið að stjórnleysi sé versta stjórnunin.

Enginn útgerðarmaður með fullu viti gengur nær fiskistofnum en hann telur óhætt.

Hinsvegar er það nú ekki sjálfgefið að allir útgerðarmenn séu með fullu viti og kannski bara ekki mjög líklegt.

[Steingrímur Helgason, 10.10.2011 kl. 23:23]

Að auki ber að zenda nefnd til makrílzinz & harðbanna honum að láta veiða zig í lögzögunni að viðlögðum refzíngum !
Þetta atferli hanz er gjörzamlega að klúðra fyrir okkur vinargreiðum frá ~vinaþjóðum~ þegar kemur að Evrópusambandsaðildinni.

[Árni Gunnarsson, 11.10.2011 kl. 21:58]

Makrílið mun reynazt Özuri eitrað og andznúið á allan máta.