Hvað sagði ekki Arnar?

Ég veit að ég var ekki einn um að opna á Stöð 2 núna í hádeginu. Mikil tíðindi höfðu verið boðuð í fréttum. Ég beið sveittur af spenningi og réttlætiskenndin sauð í blóðinu. Loksins, loksins! yrðu hroðalegustu glæpamenn samtíðarinnar teknir þeim tökum sem þeir áttu skilið fyrir að hafa sölsað undir sig mestallar eigur þjóðarinnar, velt sér í vellystingum erlendis fyrir sparifé aldraðra og öryrkja og sýnt réttlætiskennd okkar Sjálfstæðismanna slíkan hroka að ekki eru dæmi um annað eins síðan Jón sálugi á Rein spottaði réttlætið.

Aldrei hef ég orðið fyrir meiri vonbrigðum. Ég verð lengi að ná mér. Sigurði Tómasi var líka brugðið og ég sé ekki fyrir mér að hann nái sér til fulls.- og svo mun verða um fleiri í okkar flokki. Auðvitað sáu þessir glæponar ekki ástæðu til að hlusta á dómsorðin og ekki við slíku að búast. En þeir eru ekki sloppnir, sanniði til! Nú byrjum við á því að krefjast framsals. Svo sjáum við bara til.

 En aldrei hefði ég trúað því óreyndu að Arnar Jensson yrði svona sannapár þegar hann varaði við því að ríkir menn ættu kost á lögfræðingum. Þá væri voðinn vís. 

Athugasemdir

[Auðun Gíslason, 3.5.2007 kl. 12:56]

Já, og takk fyrir!  Og við borgum reikninginn!

[Auðun Gíslason, 3.5.2007 kl. 13:11]

Mikið væri nú oft leiðinlegt að setjast til borðs á mínu heimili ef "götustrákanna" nyti ekki við!

[Árni Gunnarsson, 3.5.2007 kl. 13:31]

Já, þetta með að borga. Gæti ekki verið ráð að bregðast nú við af ábyrgð og hækka stýrivextina? Ég treysi Davíð, hann er minn maður.