Vor frjálslynda grasrót

Nú hefur spjallfundur okkar grasmaðkanna verið færður til. Fundinn átti að halda á Sægreifanum kl. 20 í kvöld eins og fyrra sinnið en Kiwanisfélagar skoruðu okkur á hólm og unnu staðinn handa sér.

Fyrir alla þá sem höfðu haft hug á- og hug til að mæta upplýsist að fundurinn verður á Grand Hotel í kvöld kl. 20,30.

Við vonum að fundurinn verði líflegur, en umfram allt málefnalegur og þjappi fólki saman eftir óneitanlega dálítinn óróa.

Lifi baráttan fyrir bættri stjórn fiskveiða, bættum hag landsbyggðarinnar og þar með þjóðarinnar! 

Athugasemdir

[Gunnar Th. Gunnarsson, 20.9.2007 kl. 15:33]

Eruð þið að fara illa með Sigurjón Þórðarson?

[Árni Gunnarsson, 20.9.2007 kl. 15:52]

Já, Hanna Birna. Það er mikill hugur í fólki að hefjast handa og koma sem flestum til virkni. Við vonum að þessir fundir sameini fólk og leysi úr læðingi kraftinn sem fylgir baráttu fyrir góðum málefnum.

Og til þín Gunnar minn Th.: Sigurjón Þórðarson á marga vini og ekki kæmi mér á óvart þó þú værir einn af þeim. Það fer ekki illa með Sigurjón þó hann verði svikinn um þetta starf. Hinsvegar yrði það vont slys í mörgum skilningi ef svo illa færi. Sigurjón er einn af bestu liðsmaður flokksins og nýtur verðskuldaðra vinsælda langt út fyrir raðir okkar Frjálslyndra. 

[Árni Gunnarsson, 20.9.2007 kl. 15:54]

-bestu liðsmönnum...... Klaufaleg innsláttarvilla.

[Jens Guð, 23.9.2007 kl. 00:04]

  Fyrir áhugasama um kaffifundinn má lesa um hann á http://jensgud.blog.is/blog/jensgud/entry/318478/

  Fjölmiðlar sýndu fundinum mikinn áhuga en hafa ekki gefið rétta mynd af honum.  Samt er áhugi þeirra þakkarverður.