Mismæli?

Þeim sem eru örir til orða hættir gjarnan til að mismæla sig. Nú var Þorgerður Katrín Gunnarsdóttir spurð af fréttamanni um afstöðu hennar til ráðningar Þorsteins Davíðssonar í embætti dómara.

Menntamálaráðherra sagði í lok viðtalsins að það væri óþolandi að árið 2008 væru menn látnir gjalda þess af hvaða ætt þeir væru!

Auðvitað ætlaði ráherrann að segja að það væri óþolandi að menn fengju ekki að njóta ætternisins.

Öllum getur orðið á í hita leiks. 

Athugasemdir

[Anna Benkovic Mikaelsdóttir, 11.1.2008 kl. 19:38]

..i see your point

[Steingrímur Helgason, 11.1.2008 kl. 20:06]

Þegar aldnir hafa orðið þá gef ég eftir borðið ...

[Steinn Hafliðason, 11.1.2008 kl. 20:07]

Ég las stuttlega frétt á visir.is eða mbl.is þar sem mér sýndist hún ekki taka efnislega afstöðu til ráðningarinnar heldur studdi hún ráðherrana sem eru með henni í ríkisstjórn. Það getur verið að mér skjátlist eða þetta hafi verið skrifað vitlaust. Þið leiðréttið mig þá.

[Jón Valur Jensson, 11.1.2008 kl. 20:43]

Hún keyrir einfaldlega á þetta eins og jarðýta til að verja flokkinn gegnum þykkt og þunnt, rétt eins og sagt er á ensku um öfgafulla þjóðerniskennd: 'My country, right or wrong!'

[Jóhann Elíasson, 11.1.2008 kl. 22:31]

Vel orðað Árni.  Annars er þetta mál orðin ein allsherjar skrítla og þingmönnum og ráðherrum Sjálfstæðisflokksins tekst ekki að komast uppúr "drulluhjólförunum" hvernig sem þeir andskotast.

[Gunnar Th. Gunnarsson, 11.1.2008 kl. 23:19]

Án þess að ég taki afstöðu til þessarar ráðningur, þá er nú nokkuð til í þessu hjá henni. Svipað og karlmenn eru látnir gjalda kynferðis síns í ráðningarmálum nú orðið.

[Árni Gunnarsson, 12.1.2008 kl. 00:18]

Ertu ekki að snúa þessu við Gunnar?

 Ef Þorsteinn hefði verið metinn hæfastur og ekki verið ráðinn, þá hefði verið réttmætt að segja að hann hefði goldið faðernisins. Liggur þetta ekki bara í augum uppi? Þorsteinn var annar af tveim umsækjendum sem metnir voru tveim þrepum neðar en þrír af þeim fimm sem sóttu.

Árni Mathiesen er dýralæknir. Pétur Kr. Hafstein er einn af virtustu lögmönnum þjóðarinnar og þar að auki vel kunnugur Þorsteini sem var hans stoð og stytta í forsetaframboðinu.

Ég er ekki einn um að efast um þá duldu hæfileika Þorsteins sem Árna lágu í augum uppi en Pétur Kr. og samstarfsmenn í valnefndinni höfðu enga hugmynd um.

[Ævar Rafn Kjartansson, 12.1.2008 kl. 00:45]

Davíð Oddsson er búinn að LÁTA ráða besta vin sinn, frænda og nú síðast son sinn í embætti dómara. Er enginn að kveikja á þessu? Og meðal rökstuðnings um barnið er að hann sé vel læs og skrifandi á íslensku! Þetta gerist vart vandræðalegra en gengur greinilega hér á landi. En úff....... dýralæknirinn sem er metinn hæfastur til að sjá um fjármál þjóðarinnar mat þetta sem svo að sonur Davíðs sem hafði séð um snattið hjá herforingjanum væri megabestur....... Ég er greinilega bara ekki nægilega vel gefinn til að blanda mér inn í svona flókin mál. En það er þá huggun að sjálfstæðismenn passi að ráða rétta menn í verkin! 

[Óskar Helgi Helgason (IP-tala skráð) 12.1.2008 kl. 22:59]

Heill og sæll, Árni sem aðrir skrifarar !

Mikill ambögu leiðréttinganna meistari ertu, spjallvinur góður.

Árni ! Hefi ekki tekið þátt, í þessu skæklatogi, með þennann blessaða son Davíðs Oddssonar, en,........ æ gleggra og auðsærra er, erindisleysa Þorgerðar Katrínar Gunnarsdóttur, og Valhallar liðanna, hverjir henni fylgja, í menntamálaráðuneytinu, sem dæmin sanna víða. Lærdómur og menntir einskis virði, skemmtnahald og bögubósa vökur, iðkaðar, í þeim mun ríkara mæli.

Mbk., sem ætíð / Óskar Helgi Helgason   

[Jens Guð, 13.1.2008 kl. 03:48]

  Vel athugað hjá þér,  sveitungi. 

[Ásgeir Þorvaldsson (IP-tala skráð) 15.1.2008 kl. 10:09]

                           Nú eru menn að bölva og blóta

                           og bíta í dýralæknirinn,

                            því sumir gjalda en nokkrir njóta

                            niðjatal varð kosturinn. 

[Halla Rut , 15.1.2008 kl. 15:20]

Góður hjá þér.

 Þorgerður hefur verið ein af mínum uppáhalds stjórnmálamönnum og þá mikið vegna þess að ég taldi hana heiðarlega.  Þetta útspil hjá henni fær mig til að sjá hana í allt öðru ljósi og hefur hún misst mitt traust. 

[Árni Gunnarsson, 15.1.2008 kl. 18:03]

Gaman að fá ályktanir í bundnu máli Ásgeir. Einkum þó er höfundar þekkja stuðla og höfuðstafi.

Er höfundurinn nokkuð tengdur eystri bakka Laxár á Ásum? 

[Ásgeir Þorvaldsson (IP-tala skráð) 15.1.2008 kl. 19:51]

Rétt til getið Árni minn Hjaltabakki er höfuðbólið sem ættin er kennd við. Þú kannast við kauða eftir Vestmannaeyjadvöl þína en þar hef ég búið í 34 ár.

[Ólafur Þórðarson, 16.1.2008 kl. 04:42]

Skarplega athugað Árni. Þetta með ætternið. Eins og með menn sem sjá enga leið til að telja alla aurana sína sjá á eftir hverri krónu sem fer í ríkiskassann og verða einhvern veginn fórnarlömb vonda ríkisins, jafnvel komma eða whatever. Ef maður er áttavilltur er alltaf hægt að snúa hlutum á haus til að fá lausn.