Allir hafa einhvern brest

Í öllum þeim óróa sem fjármálahrun þjóðarinnar hefur valdið fólki hefur mörgum orðið heitt í hamsi að vonum. Þá verður mörgum það fyrst fyrir að leita uppi sökudólga til að  láta reiðina bitna á en það eru líklega eðlileg viðbrögð við slíkar aðstæður. Allt frá ómunatíð höfum við átt alþýðuskáld sem skilið hafa eftir marg gullkorn ort af ýmsu tilefni. Einn þessara alþýðuskálda var Indriði Þórkelsson bóndi á Ytra-Fjalli í Aðaldal. Indriði var óvenju orðsnjall enda víðlesinn gáfumaður. Ég læt hér fylgja tvær vísur eftir Indriða og finnst þær vera holl upprifjun á þessum dögum.

Allir hafa einhvern brest,

öllu fylgir galli.

Öllum getur yfirsést.

Einnig þeim á Fjalli.

-------------------------

Mér finnst oft er þrautir þjá

þulið mjúkt í eyra

þetta er eins og ekkert hjá

öðru stærra og meira. 

Athugasemdir

[Guðrún Þóra Hjaltadóttir, 11.10.2008 kl. 21:34]

Góður hann Indriði bóndi.

[Auðun Gíslason, 13.10.2008 kl. 17:53]

Það er nú erfitt að vera reiður hafi maður aðeins kíkt undir pilsfald Kapítalismans!  Vona að þessi hrunadans verði hans síðasti og dagar hans séu senn taldir!  En er náttúruleg bjartsýnn að eðlisfari, einsog Geir Hilmar.  Ég vil taka upp sósíalisma og gullkrónur (hver króna jafngildi þyngd sinni á alþjóðamarkaði).

P.s. Vona að "krakkaskrattinn" sé ekki búin að gera ykkur alveg vitlaus!  Kær kveðja!