Laxeldi í Arnarfirði

Það ætti að vera hafið yfir ágreining að nýting Arnarfjarðar til laxeldis og hverskyns starfsemi verði algerlega á höndum heimamanna. Það sama ætti að gilda um önnur sveitarfélög hvað varðar nýtingu á fiskimiðum fyrir smábáta og dragnótaveiðar ætti alfarið að banna.

Ég sé það fyrir mér að verði strandveiðar í sama formi og síðastliðið sumar auknar þá eigi heimahafnir bátanna að hafa forgang til veiðanna. Þetta getur verið nauðsynlegt að binda í reglugerð. Fari svo að einhverjar sægreifahugmyndir í þessa veru fari að þróast getur allt farið úr böndum.

Það sem ég á við er til dæmis það að einhverjir spákaupmenn sjái tækifæri til að kaupa tugi báta af strandveiðastærð og gera þá út með fullkomnustu græjum þá verði þess skammt að bíða að þessar veiðar missi velvild þjóðarinnar og snúist upp í neikvæða umræðu.

Við Íslendingar þekkjum vel hugtakið að nota. Þegar við hinsvegar tölum um að nota eða nýta okkur eitthvað þá meina flest okkar að misnota allt það sem við tölum um að nýta.

Ég hugsa ennþá eins og sveitadurgur. Mun gera það svo lengi sem ég get eitthvað rifið kjaft og gef engan aflátt af því hugarfari

Vilja eitt laxeldisfyrirtæki

Athugasemdir

[Haraldur Baldursson, 17.3.2010 kl. 14:00]

Ef leita á sáttar á meðal þjóðarinnar þarf að finna leiðir... 

1. Færum kvótann til fólkins í formi árlegra ávísana upp á 1/300.000 hluta kvótans til hvers íslendings, sem skráður er á Íslandi (ekki á 20 árum heldur 6 mánuðum).....ef veiðidaga ávísanir henta betur, þá OK...
2. Leyfum veiði trillu og smæstu báta með því að úthluta svæðisbundnum ávísunum til handa kjördæmunum. Þær ávísanir væru í formi klukkustunda, eða daga....innan 4 mílna.
3. Landsbyggðin vill frið...þann frið má tryggja með því að plássin út á landi hafi úr að spila nægum strandveiði-afla (3-8 mílur ?)
4. Allur ALLUR fiskur á markað...alger skylda fyrir ALLA báta
5. Tekjur einstaklinga af sölu á heimildum væri skattlögð og þannig væri ríkinu tryggt sitt (keisarans það sem keisarans er)
6. Markaðurinn finnur rétt verð, tryggir endurnýjun innan stéttarinnar, álögur á stéttina verða ekki meiri en markaðurinn leyfir
7. Tryggja þarf endurnýjun veiðiskipa og má þá leyfa skattasvigrúm til þess... (afskriftarsvigrúm er reyndar talsvert á veiðiskipum, en áhersla á öryggi og endurnýjun þarf að vera til staðar)

Plássum út á landi líður betur með 100 trillur en stakan frystitogara...

[Árni Gunnarsson, 17.3.2010 kl. 14:15]

-Plássum úti á landi líður betur með 100 trillur en stakan frystitogara-!!

Það er miklu afdráttarlausari og einfaldari sannleikur í þessari yfirlætislausu ályktun þinni Haraldur en margir þeir munu kannski átta sig á sem hátt gusa.

Heimskulegustu deilurnar eru kannski deilurnar um afdráttarlausu lausnina sem gilda skulu um alla eilífð. Við eigum 63 heimskingja inni á Alþingi sem er ekki minna ætlandi en að lagfæra lagagreinar komi í ljós að þær þjóni ekki tilgangi sínum.

Lög eru ekki upphaf trúarbragða eins og gulltöflur Faraós. Lög eru hjálpartæki stjórnsýslunnar við að búa til gott og réttlátt samfélag. Ef hjálpartæki duga ekki þá þarf að kaupa ný.

[Haraldur Baldursson, 17.3.2010 kl. 15:16]

Það er erfitt að berjast gegn keyptri hjörð útgerðamanna á þingi. Ég væri mjög ósáttur við að þingið færi að hræra í því hver fær að veiða hvað. Ég hreifst mjög að nálgun Péturs Blöndal, sem vildi fyrna kvótann á 20 árum (ég hef horfið frá svo mikilli þolinmæði) og fær kvótann til landsmanna.
xF
Nálgun xF hef ég ekki kynnt mér til þaula (hef þó stefnuskrá þeirra hjá mér í skjali til yfirlestrar á næstunni), en þar hefur örlað (skilji ég hana rétt út frá lítilli viðkynningu) á meiri stýringu í gegnum sókn en kíló og tegundir. Sé það rétt túlkun leysir það bottkast-vandamálið, sem er gott.

Atvinnutækifæri út á landi miðað við borgina
Það sem ég hef reynt að bæta í minni sýn á kvótann sem sameign þjóðarinnar er það að úti á landi eru valkostir atvinnuþáttöku minni en á höfuðborgarsvæðinu. Strandveiðar, tel ég, eru öflugasta leiðin til að jafna þennan mun. En þeim þarf að stýra. Ég held að farsælast sé að búa til kjördæma, eða héraða-kvóta, sem líka færi á markað og líka bæri að landa á markað (það þarf að vera markaður í hverju plássi).

Hugmyndirnar eru ekki fullmótaðar hjá mér, en ég leitast við að finna leiðina sem skapar mestu sáttina, minnsta brottkastið, mestu endurnýjunarmöguleikana, öruggustu byggðina út  á landi (sem er gríðarlega mikilvægt, þó einhverjir klárir í Excel kunni að meina annap).

[Árni Gunnarsson, 17.3.2010 kl. 16:00]

Það er óþarfa bruðl að mæra Pétur Blöndal fyrir tillögu sem Frjálslyndi flokkurinn bar fram um síðustu aldamót eða fyrr. Tillaga sem síðan hefur skotið upp kollinum bæði hjá Samfylkingu og Vinstri grænum fyrir kosningar en síðan gleymst. Pétur vakti athygli með þessari "hugmund" ekki tillögu vegna þess að vera fyrsti Sjálfstæðismaðurinn sem ljáði máls á að við þessu "meinta" eignarhaldi sægreifanna yrði hróflað. Enda hafa stærstu útgerðarfyrirtækin verið stærstu sponsorar Sjallanna gegn um árin.

[Haraldur Baldursson, 17.3.2010 kl. 16:12]

Það er fyrst og fremst útfærlsan sem heillaði. http://www.althingi.is/altext/122/s/0299.html

En eins og ég segi...ekki 20 ár...tökum okkur 6 mánuði.

Hvort xF kom fram með hugmyndir fyrr (sem ég þó hef enga ástæðu til að efast um), er etv. ekki aðalatriðið núna, heldur að koma hlutunum á framkvæmdastig.

[Árni Gunnarsson, 17.3.2010 kl. 18:57]

Hjartanlega sammála. Og nú skulum við sameinast um að efla xf til öflugs framboðs í næstu kosningum til sveitarstjórna og Alþingis.

Inni á Alþingi eigum við þá væntanlega Pétur Blöndal vísan til samstarfs ásamt Ólínu Þorvarðar og væntanlega einhverjum til viðbótar.

[Haraldur Baldursson, 17.3.2010 kl. 22:16]

:-) vonandi...

Mig langar samt að hvetja til þess að xF skilgreini sig ákveðið á bak við nokkur málefni :

• Kvótinn til landsmanna (ekki ríkisstjórnar)
• Landsbyggðin fái auknar heimildir í formi strandveiða
• Skýr ESB andstaða (MJÖG SKÝR OG HELST MJÖG HÁVÆR)
• AGS andstaða
• Sleppum lánum og vinnum okkur út úr vanda okkar með öflugum útflutningi
• Forðast Icesave umræðuna á þinginu svo önnur skilaboð verði ekki útvötnuð
• Innlima Hreyfinguna (ef hægt er)
• Innlima L-Listann sem aldrei varð...

Ég fer sem sagt ekki fram á mikið...en þarna væri þá vettvangur fyrir fólk sem trúir að framtak einstaklingsins og telur það kleift án þess að selja allar auðlindir og trúir ekki í blindi á sölu ríkiseigna nó-matter-waht (afsakaðu enskuna...átti bara svo vel við hér)

[Árni Gunnarsson, 17.3.2010 kl. 23:01]

Og ég er traustur bandamaður þinn Haraldur í baráttunni fyrir öllum þessum málum!

Hvað síðustu tvö atriðin áhrærir þá er kannski vandinn mestur varðandi það að Múhameð og fjallið fari ekki að togast á um það hvort Múhameð eigi að koma til fjallsins eða öfugt.