Góð viðbrögð hjá Ásmundi Dalaþingmanni

Hér er greinilega þörf á viðbrögðum áður en í óefni er komið. Nýlegar fréttir af ráðstöfun bújarðar án auglýsingar og síðan fréttin um undarlegan áhuga bankastarfsmanna á aðstoð við skuldsetta bændur gefur mér vísbendingar um þá tegund viskiptasiðferðis sem flestir voru að vona að heyrði fortíðinni til.

Vill fund um skulduga bændur

Athugasemdir

[Ritstjóri, 29.4.2010 kl. 15:08]

Mér skilst að samskonar beiðni hafi legið fyrir frá Eygló Harðardóttur frá því í vetur, en henni ekki sinnt. Vonandi að af þessum fundi verði nú þegar stjórnarliði hefur beðið um hann.

kv,
Sigurður E. Vilhelmsson

[Árni Gunnarsson, 29.4.2010 kl. 15:25]

Og þetta var góð ábending Sigurður. Mér var auðvitað ekki kunnugt um þessa beiðni Eyglóar þegar ég skrifaði færsluna. Mér finnst ég þekkja þá tilhneigingu að þegja fólk í hel ef það hefur ekki rétta tengingu við pólitískar trúarskoðanir þess sem tekur til máls. Ég flokka fólk ekki eftir pólitískum skoðunum og er þekktur (vonandi) að því að vægja engum fremur en öðrum.

[Árni Gunnarsson, 29.4.2010 kl. 15:29]

....vægja ekki einum fremur en öðrum.

[Ritstjóri, 29.4.2010 kl. 16:35]

Því miður eru þetta vinnubrögð sem stunduð hafa verið um ára- eða áratugaskeið í þinginu. Maður hélt bara að stjórnvöld væru að átta sig á því að þessum vinnubrögðum þyrfti að breyta.

Þakka annars gott og málefnalegt blogg hjá þér!

[Baldur Hermannsson, 29.4.2010 kl. 23:29]

Ásmundur Dalasveinn er góður drengur og einn af sárafáum stjórnarliðum sem er á vetur setjandi.

[Árni Gunnarsson, 30.4.2010 kl. 08:58]

Sigurður ritstjóri: Stjórnvöld okkar eru ekki þekkt fyrir að átta sig fyrr en kjósendur hóta þeim lífláti.

Baldur: Mér sýnist þú "allur vera að koma til" og ég ætla að vera þér sammála í þetta skiptið.  Ásmundur er nefnilega einn af sárafáum.

[Baldur Hermannsson, 30.4.2010 kl. 09:11]

Þetta er ekkert að marka. Ég "kem allur til" annað veifið, en svo sekk ég strax aftur í fen skarpskyggni og sjálfstæðrar hugsunar. Mönnum eins og mér er ekki við bjargandi.

[Árni Gunnarsson, 30.4.2010 kl. 12:51]

Ég vissi þetta svo sem Baldur minn og meinti það nú ekki bókstaflega. Þetta var nú meira sagt svona í gríni.

[Baldur Hermannsson, 30.4.2010 kl. 13:43]

Uss, ekki er það nú viðeigandi að maður á þínum aldri slái fram gríni í tíma og ótíma. Ég treysti þér til þess að venja þig af því hið snarasta.

[Árni Gunnarsson, 30.4.2010 kl. 21:02]

Það sem ég legg nú mest kapp á Baldur minn er að venja mig af því að vera "maður á mínum aldri."

[Baldur Hermannsson, 30.4.2010 kl. 21:16]

Segjum tveir, segjum tveir.

[Björn Birgisson, 1.5.2010 kl. 20:04]

Blessaðir gamlingjarnir!

[Árni Gunnarsson, 1.5.2010 kl. 21:14]

Ósköp sýnist mér hann vera gamall og fyrirgengilegur þessi þarna með ath.s.12

[Björn Birgisson, 1.5.2010 kl. 21:23]

25. 04. 1951 - 59 ára og sex daga. Fyrirgengilegur og bráðungur! Svo færsla#13 sé leiðrétt!

[karen karlsdóttir (IP-tala skráð) 1.5.2010 kl. 22:40]

Mikið er nú yndislegt að lesa svona laufléttan húmor í staðinn fyrir allt þrefið á milli manna --en hvernig líst þér á Besta flokkinn eða réttara sagt tilvonandi Borgarstjóra ?

[Árni Gunnarsson, 2.5.2010 kl. 08:18]

Karen K. Mér líst bara nokkuð vel á greyið en ég hef ekki séð konuna hans svo ég viti til. Þannig að ég treysti mér bara ekki til að svara þessu.

[karen karlsdóttir (IP-tala skráð) 2.5.2010 kl. 09:31]

Þú segir nokkuð --er ekki í vafa um að hann hlýtur að eiga næst Bestu og fallegustu konuna -þú þarft endilega að athuga málið sem fyrst -hahaha

[Anna Sigríður Guðmundsdóttir, 3.5.2010 kl. 18:38]

Árni minn og allir hinir!

Réttlæti fyrir alla er það eina sem verður viðurkennt í framtíðinni!

Það er best fyrir alla þegar til lengri tíma er litið, og líka þann sem stendur mér svo nærri sem sá sem um er rætt og er mér svo kær (ásamt hans yndislegu stúlkum)!

Vinur er sá er til vamms segir!

Ég má ekki svíkja mína nánustu um það ef ég á að vera sanngjörn gagnvart mínum kærustu!

Vildi gjarnan hafa Jón Gnarr með í ráðum á þessum lands-vígvelli! M.b.kv.

[Dingli, 5.5.2010 kl. 01:16]

Þrátt fyrir að ykkur gamla fólkinu finnist það e-hvað grín þegar Íslandsbanki "stelur" eignum af fólki og afhendir þær ættingjum bankastjórans fyrir slikk, þá sé ég ekkert skemmtilegt við það.  

Baldur Hermannson fer hinsvegar með stórskemmtileg öfugmæli í no. 7

[Árni Gunnarsson, 5.5.2010 kl. 07:54]

Sigríður Anna: Ég held að þessi krafa um réttlæti fyrir alla sé tímalaus og líklega ekki bundin einvörðungu við okkar samfélag. Reynsla okkar er hinsvegar sú að þetta réttlæti eigi að vera meira fyrir einn hóp fremur en annan.

Þessi barátta fyrir jöfnuði má aldrei verða aukaatriði og hún þarf að vera almennari en verið hefur og hún má aldrei skekkjast af viðhorfum til stjórnmálaflokka.

[Árni Gunnarsson, 5.5.2010 kl. 08:06]

Dingli: Nú settir þú mig út af laginu því ég finn engar forsendur fyrir þinni ályktun.

Hvar sérðu vísbendingar í þessum pistli mínum eða þeim athugasemdum sem hér hafa komið að okkur gamla fólkinu finnist það grín að "Íslandsbanki steli eignum fólks og afhendi þær ættingjum bankastjórans fyrir slikk?" 

Reyndar leikur mér nokkur forvitni á að vita hverjum Íslandsbanki seldi eða afhenti Skáldabúðir.

Getur þú skýrt eða upplýst þessi mál betur?

[Dingli, 5.5.2010 kl. 20:36]

Afsakaðu Árni, en "ályktun" mín var nú aðal grínið enda telst ég varla til unglamba sjálfur. 

Ég veit ekker um Skáldbúðir nema það sem ég sá Árna Johnsen segja á þingi.

http://www.althingi.is/altext/hlusta.php?raeda=rad20100429T105634&horfa=1

[Árni Gunnarsson, 5.5.2010 kl. 21:46]

Þakka þér ábendinguna Dingli. Ég hlýddi á ræðu Árna Johnsen og ég hlýt að undrast hversu hljótt þetta mál hefur farið og jafnframt það að fáir virðast vita um það hverjir eignuðust þessa jörð.

[Dingli, 6.5.2010 kl. 16:34]

Lítillega var minnst á þetta í fréttum, en þá var þetta með ættingjana tekið út. Líkt og þú undrast ég hversu litla athygli þetta hefur vakið.

[Baldur Hermannsson, 6.5.2010 kl. 21:14]

Gat nú skeð að kjarninn í fréttinni væri vandlega falinn. íslensk fjölmiðlun í hnotskurn.