....byrjaði þá að fara um Gvend og meyna

Þá er hún staðfest fréttin af fyrstu handtökunni þar sem forstöðumaður banka á í hlut. Ég gef mér að þessi handtaka komi hreyfingu á kyrrlátt blóðrennsli einhverra fleiri úr þessum hópi tignarmanna á Íslandi. Og ég sé fyrir mér að nú séu "spennandi og skemmtilegir tímar framundan" hjá stjörnulögmönnum. Og ég sé líka fyrir mér margar yfirlýsingar um ákærur vegna misskilnings.

Nú er það spurning hvort meintar sakir á hendur Hreiðari Má flokkist nokkuð undir kostnaðinn við lýðræðið?

Upplýsir ekki um fleiri handtökur

Athugasemdir

[Finnur Bárðarson, 6.5.2010 kl. 16:41]

Já Árni vonandi fara í hönd andvökunætur og svitaböð hjá mörgum

[axel (IP-tala skráð) 6.5.2010 kl. 16:52]

Nú þykir mér týra á tíkarskari!!!!

[Sigurbjörg Eiríksdóttir, 6.5.2010 kl. 16:53]

Ég segi eins og margir..Það er varla að maður trúi þessu!

[Anna Sigríður Guðmundsdóttir, 6.5.2010 kl. 17:01]

Lýðræðið er svo sannarlega í mútu-þvingunni! En eins gott að allir átti sig á að nú er best að hugsa lýðræðislega og fara eftir lögum og stjórnarskránni!

65.grein stjórnarskrárinnar: Allir skulu vera jafnir fyrir lögum og njóta mannréttinda án tillits til kynferðis, trúarbragða, skoðana, þjóðernisuppruna, kynþáttar, litarháttar, efnahags, ætternis og stöðu að öðru leyti. Konur og karlar skulu njóta jafns réttar í hvívetna. 

Þetta segir stjórnarskrá Íslands! Á ekki að vinna eftir henni á meðan ekki hefur verið búin til ný stjórnarskrá? Mér finnst það ekki vera nokkur spurning!  M.b.kv.

[Árni Gunnarsson, 6.5.2010 kl. 17:07]

Mitt viðhorf til þessa máls er fyrst og fremst það að sýna verði þessum mönnum af fullum þunga að þeir komist ekki lengur upp með afneitanir og hroka. Siðleysi þeirra í viðskiptum er öllum ljóst og til þess verður að ætlast að þeim verði komið í skilning um það; ef ekki með góðu, þá með öðrum aðferðum.

[Árni Gunnarsson, 6.5.2010 kl. 17:20]

Ég held að allir muni telja þessa grein stjórnarsrárinnar hafna yfir vafa Anna Sigríður. Ég sé bara ekki fyrir mér að dómstólar okkar séu á neinn hátt færir um að fjalla um þessi mál hjálparlaust. Þar ber margt til. Sifja-og vinatengsl í svona fámennu samfélagi gerir flesta dómara ótrúverðuga. Og í öðru lagi þá hefur dregist úr hömlu að manna dómstóla og rannsóknarlögreglu svo að þessar stofnanir séu undir þessa umfangmiklu vinnu búnar.

Mér finnst einsýnt að við munum þurfa hjálp erlendis frá til að geta lokið þessum málum án dýpstu háðungar.

[Jóhannes Laxdal Baldvinsson, 6.5.2010 kl. 17:22]

Næsta skref er að handtaka Björgólf Thor og slá þannig á puttana á Samfylkingunni og sérstaklega iðnaðarráðherra og formanni iðnaðarnefndar. Skúla Helgasyni.
Þessi fjárfestingarsamningur við þann arma dela BTB og hans meðreiðarsveina, má aldrei verða

[Árni Gunnarsson, 6.5.2010 kl. 18:30]

Jóhannes: Þú ert ekki einn um það að eiga erfitt með að skilja samninga ríkisins um fjárfestingar á vegum Björgólfs Th. Einhvern tímann hefði þetta þótt tíðindi.

Ég skynjaði viðbrögð samfélagsins eftir margar samhljóða fréttir af framgöngu bankamanna og útrásarvíkinga á þann veg að það væri litið á þessa einstaklinga sem ærulausa menn. Kannski hef ég misskilið eitthvað í fljótfærni minni.

[ÞJÓÐARSÁLIN, 7.5.2010 kl. 10:41]

Það er frábært, þegar menn vitna í þessa gömlu góðu texta eins og þú gerir í fyrirsögn. Kann að vera að í þessum texta séu líka þessi orð?-- Heyrðu Vigga var það ekki sniðugt, að vefja gömlu mútter svona liðugt, um fingur sér.

Hvað um það. Saklausir bankastarfsmenn voru endalaust settir í það verkefni að vefja viðskiptavinum um fingur sér og tæla þá í sérstaka sjóði. - Vonandi verður bið  á því að það verði endurtekið.

[Jóhann Elíasson, 7.5.2010 kl. 11:23]

Eitt er sem ég vil tjá mig um í sambandi við þessar handtökur, það er ekki farið að handtaka NEINA VIRKILEGA stóra einstaklinga, jú Hreiðar myndi sennilega teljast vera nokkuð ofarlega í GLÆPAPÝRAMÍDANUM en hann er nokkuð langt frá TOPPNUM. Getur verið að það eigi að taka svona einn og einn, sem "við" álítum stóran, en láta svo gott heita??

[Árni Gunnarsson, 7.5.2010 kl. 12:44]

Þjóðarsál. Það er margt endurvinnanlegt frá fyrri tíð. Þessar Bílavísur eru nú ekki alveg nýjar af nálinni.

Jóhann: Það er margt sem hefur vakið athygli mína allt frá fyrstu dögum eftir hrun. Þegar ég sá skipanir ríkisstjórnar Geirs og Ingibjargar í skilanefndir gömlu bankanna og stórnendur þeirra nýju var mér ljóst að tilgangurinn var ekki að hreinsa til. Það var einbeittur vilji til að vernda góðvini stjórnvalda og ríkisstjórn Jóhönnu og Steingríms hefur ekki séð neitt við þetta að athuga.

Er það til marks um grunlaus vinnubrögð Landsbankans gamla að þar hafa engin mál komið til umræðu vegna rannsóknar?

[Axel Jóhann Hallgrímsson, 7.5.2010 kl. 18:23]

Góður dagur! Hressti aldeilis upp á þjóðarsálina.

[Árni Gunnarsson, 7.5.2010 kl. 21:43]

Já Axel, líklega er þetta rétt hjá þér. En mikið kom hún mér á óvart feimnin hans Helga Seljan við Halldór Ásgrímsson í Kastljósi kvöldsins.