Takmarkað veiðileyfi á íslensku þjóðina

Ríkisbankarnir voru seldir fyrir spottprísa og sölunni fylgdi ótakmarkað veiðileyfi á þjóðina. Mér finnst þetta komið út í bölvaða vitleysu og ekki annað sýnna en að afrakstur af þessari auðlind muni fara þverrandi, svona líkt og endirinn varð með þorskstofninn í sjónum.

Nú legg ég til að árinu verði skipt niður í veiðitímabil rétt eins og við þekkjum með rjúpuna og hreindýrin. Þetta gætu verið fjögur veiðitímabil, svona 10 vikur hvert og bankarnir yrðu látnir borga hæfilegt nýtingargjald fyrir afnotin af okkur. 

Mér sýnist að ekki muni veita af því að gefa stofninum (íslensku þjóðinni) nokkurra vikna hvíld svona af og til á meðan hann er að jafna sig og búa sig undir næsta veiðitímabil.

Þá væri farið eftir hinni óskráðu siðfræði merkurinnar.

Heimamenn þekkja líklega gjaldmiðilinn betur en hinir

Athugasemdir

[Guðrún Þóra Hjaltadóttir, 30.3.2008 kl. 14:45]

Já ! Við gátum átt von á þessu með allri einkavæðingunni.

Eru þetta ekki fullöng tímabil hjá þér Árni, væri ekki gott að hafa þetta bara 4 vikur ?

[Árni Gunnarsson, 30.3.2008 kl. 16:34]

Þetta er líklega rétt hjá þér. Tíu vikna tímabil er fullmikið ef tekið er mið af þessari gegndarlausu rányrkju á okkur.

Svona fjórar vikur væri kappnóg ef meiningin er að viðhalda stofninum. 

[Eyþór Árnason, 30.3.2008 kl. 23:37]

Já rétt, það verður að umgangast auðlindina með varúð.  Kveðja.

[Jóhann Elíasson, 3.4.2008 kl. 12:52]

Fjármálasukkið hófst með einkavæðingu bankanna og nú þegar forráðamenn þeirra (bankanna) hafa drullað upp á bak í útrásinni og "rekstri" bankanna og annarri óráðsíu, þá eigum við sauðsvartur almúginn að skera þessa fjárglæframenn niður úr snörunni og greiða fyrir mistök þeirra og það dýru verði.

[Halla Rut , 4.4.2008 kl. 18:26]

Og nú eigum við að koma til bjargar svo þeir missi ekki gullstöðu sína.

[Jens Guð, 5.4.2008 kl. 00:50]

  Góð "pæling".

[Helga Guðrún Eiríksdóttir, 5.4.2008 kl. 21:43]

Við erum búin að bera þessa menn á gullstólum nógu lengi. Ég legg til að teknir verði í notkun svona flugstjórastólar með sleppibúnaði sem skýtur þeim svífandi úr ef tekið er í handfang.

Og að íslenskur almúginn, sauðsvartur sem allra lita, stjórni handfanginu samhentur.

[Óskar Arnórsson, 9.4.2008 kl. 22:09]

Ég heiti Óskar og aldraður öryrki, fúll í skapi og sjaldan umtalsfrómur. Sannarirnar fyrir því eru að finna á öllum bloggum um valdahafa og komment út um allt...

Líst best á hugmyndina hennar Helgu og skal gjarna taka í handfangið...aleinn..