Árni Gunnarsson

4.5.2008 | 21:02

Eldfim umræða sem gæti framlengt harmleikinn

Þessi skelfilegi harmleikur hefur yfirtekið umræðu fjölmiðla síðan fréttin barst og undrar víst engan. Og þó flestum hljóti að vera það ljost að í rauninni ná engin orð að tjá það sem flýgur í gegnum hugann þá verður að gefa þessum atburði það rúm sem hann þarfnast. Það kynni að minnka líkurnar á að hann endurtaki sig. Það er nefnilega óhugnanlegt til að vita að þetta gerist nánast í viðurvist nágranna og leigjenda á 24 ára tímabili.

Þarna hefur brenglast skilningurinn á því hvað er hnýsni og hvað samfélagsleg eftirlitsskylda.

Nú er það dapurleg staðreynd að þvi dýpri sem þjáning og ógæfa fólks er, þeim mun meira þurfa fjölmiðlar á því fólki að halda.

Þess vegna óttast ég nú mjög að fréttaljósmyndarar sitji eins og hrægammar um þessi vesalings börn og móður þeirra í því skyni að gera þau að söluvöru.

Fátt er þeim dýrmætara en að fá tækifæri til að hverfa í fjöldann og gleymast.

	Fjölskylda Fritzls á valdi óttans
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Vel mælt hjá þér Árni, eins og endranær.

Magnús Jónsson, 4.5.2008 kl. 21:05

Vel mælt

Jón Aðalsteinn Jónsson, 4.5.2008 kl. 21:35

Það er satt hjá þér Árni að fjölskyldan ætti að fá að vera í friði fyrir fjölmiðlum.

Mér finnst að þeir ættu að fara að leita í kjöllurum þarna í Austurríki. Þetta er þvílík hörmung.

Guðrún Þóra Hjaltadóttir, 4.5.2008 kl. 21:58

Sammála þeim sem að ofan rita, þetta er gott innlegg.

Ívar Gunnarsson, 4.5.2008 kl. 23:46

Samála! Það er í rauninni sorglegt hvað fólk hefur alltaf mikin áhuga á óförum annara. Eða svona hryllilegum skrímslum eins og þessi fjölskyldufaðir í rauninni er.

Þessi börn ættu að fá að vera í friði sem og móðir þeirra. Þetta fólk á ekkért erindi í fjölmiðla, hvað þá á mynd. Og það eiga fjölmiðlar að virða.

Þórhildur Daðadóttir, 5.5.2008 kl. 11:58