17. júní

Gleðilegan þjóðhátíðardag!

Nú mun ríkisstjórn okkar senda grínara sinn á Austurvöll til að minnast frelsishetjunnar Jóns Sigurðssonar. Hvernig þar muni takast til með að segja frá því að nú sé búið að ákveða að selja fullveldi þjóðarinnar fyrir baunadisk? - það fáum við senn að heyra.

Athugasemdir

[Grétar Mar Jónsson, 17.6.2009 kl. 11:27]

Gleðilegan þjóðhátíðardag Árni.
Málið í dag er, að engin er frjáls sem bundin er í klafa skulda sem ekki sér fyrir endann á, hvorki fólk né þjóð.

[Sigurður Þórðarson, 17.6.2009 kl. 12:09]

Sælir félagar, ég heyrði í Vilhjálmi Vilhjálmssyni sem ætlar minnast lýðveldisins meðan það enn varir og fá sér bjór og ýsu í tilefni dagsins.

[Jakob Þór Haraldsson, 17.6.2009 kl. 12:24]

Ég VONA að þetta verði þá MAÍS baunir, mér finnst þær nefnilega miklu betri en þessar grænu......

kv. Heilbrigð skynsemi

[Árni Gunnarsson, 17.6.2009 kl. 12:51]

Grétar Mar. Þessu er ég sammála. En ég held mig við orð skáldsins: "Þetta land á ærinn auð/ ef menn kunna að not ´ann". En þetta vitum við báðir og höfum minnt á oftar en margir aðrir. Nú tala flestir fjálglegast um mannauðinn. Trú mín á þeirri auðlind finnst mér þverra í réttu hlutfalli við þann þingræðufjölda sem ég hlýði á þessa dagana.

[Árni Gunnarsson, 17.6.2009 kl. 12:53]

Sigurður og Jakob þór. Takk fyrir innlit, en eiginlega finnst mér ekkert skoplegt við þetta mál.

[Júlíus Björnsson, 17.6.2009 kl. 17:37]

Afgangur þjóðartekna sem verður eftir í landinu á hverjum tíma er besti mælikvarði á mannauðinn sem hér ríkir. Börnin læra það sem fyrir þeim er haft. Sjaldan fellur eplið langt frá eikinni.

[Axel Þór Kolbeinsson, 17.6.2009 kl. 18:32]

Gleðilega þjóðhátíð allir saman.

[Lund Hervars (IP-tala skráð) 19.6.2009 kl. 20:31]

Sæll Árni, ég er ekki viss um hvort átt er við forsetann eða forsætisráðherrann, en kemur út á eitt. Um daginn prófaði ég hágenga hryssu, eflaust helvíti flott að sjá út frá hlið en mikið fjandi var leiðinlegt að sitja á henni. Ef til vill var útrásin þannig Árni, hágengt hross, flott á sýningarvelli sem var helvíti leiðinlegt og erfitt að sitja á, má ég þá frekar biðja um flottan töltara, mjúkan og fínan. Hafðu það fínt Árni.

[Hlédís, 22.6.2009 kl. 20:14]

Sammála Lund!

Flestu því besta í íslenskri hestamennsku var fórnað fyrir þýskan/útlenskan, flottan stíl. Samlíking hreint ekki galin.

[Árni Gunnarsson, 22.6.2009 kl. 23:25]

Sem minnir mig á ályktun orðheppins hagyrðings fyrir norðan þegar hann steig af baki "hágengum skálmandi töltara" skeiðlausum sem hann hafi riðið bæjarleið. Hann sagðist telja það hæfilega refsingu fyrir miðlungs glæpamann að ríða þessum hesti einn dag frá sólarupprás til sólarlags. 

[Hlédís, 25.6.2009 kl. 16:19]

E-i-mm-itt !!

[Halla Rut , 29.6.2009 kl. 23:43]

Þvílík vanvirðing við styttuna fögru. Ég gat ekki horft.

Kannski ekki Jóhanna heldur enda með rassinn í styttuna.