.....signdi ég mig og út í ána/upp á líf og dauða reið....

Þetta er án efa yfirveguð ákvörðun. Svo "nú eru skemmtilegir og spennandi tímar framundan hjá okkur sjálfstæðismönnum!" eins og fyrrverandi varaformenni Flokksins orðaði svo skemmtilega á fundinum, sællar minningar.

En þá er það spurningin sem núverandi varaformaður og eiginkona Tómasar í álinu velti upp: Getur verið að þessi skýrsla rannsóknarnefndarinnar - sem hún taldi að gæti þvælst eitthvað tímabundið fyrir þeim sjálfstæðismönnum - já hvort þessi skýrslufjandi er ekki alveg áreiðanlega gleymdur?

Því Hanna Birna segir að formannskjörið snúist um það hver muni leiða okkur til sigurs í næstu kosningum.

Um hverja var hún að tala þegar hún sagði: okkur?

Snýst um líklegan sigurvegara

Náttúruhamfarir af mannavöldum

Það er mikil óskammfeilni af fréttastofu Morgunblaðsins að senda þessa frétt út og þá ekki síður fyrirsögnina.

Varðar það ekki við lög að senda út fréttir sem líkindi eru til að valdi slíku pólitísku uppnámi í hugum lesenda að það stefni heilsu þeirra í voða?

Nú geta "efasemdarmenn hnattrænnar hlýnunar af mannavöldum" farið að leita til gamalla loftslagsvísindamanna hálfdauðra eða nýdauðra til að hrekja þessa kenningu sem óvinir vestræns hagvaxtar hafa að sjálfsögðu keypt.

Tíðari hamfarir af völdum manna

Ekki álver í Helguvík fyrir áramót

Þessi ívitnuðu orð þeirra nafna Kristjáns Gunnarssonar og Kristjáns L.Möller sýna okkur að enn er í fullu gildi gamla máltækið: Þeir gusa hæst sem grynnst vaða.

Ekki gert á einni helgi

Fyrr má nú vera!

Ég krefst þess að þetta mál verði komið á hreint fyrir miðnætti.

Harry prins orðaður við barþjónustustúlku

Samstarfssamningur um jarðhitamál

Getur hugsast að fréttirnar af niðurdælingunni á Hellisheiðinni, brennisteinsmenguninni í höfuðborginni, jarðskjálftunum í Hveragerði að ógleymdum samningnum við Ölfusið um fjárrétt, hesthús, ljósleiðara og upplýst Þrengsli hafi vakið áhuga Rússanna?

Þessi séríslenska snilld hlýtur að vekja athygli um gervalla heimsbyggðina.

Samstarfssamningur um jarðhitamál

Foringjadýrkunin í Vinstrihreyfingunni grænu framboði

Það er nú varla hægt að ætlast til að venjulegt fólk muni nafnið á þessu stjórnmálaafli.

En það sem ég vildi sagt hafa:

Mér finnst ólíklegt að utan raða eigin flokksmanna trúi nokkur maður því lengur að Steingrímur frá Gunnarsstöðum sé andvígur inngöngu Íslands í ESB.

Á væntanlegum landsfundi leyfi ég mér að spá því að honum takist eina ferðina enn að sleppa ódýrt frá þessu vindhanahlurverki sínu.

(Hann mun ekki ræða um það aðlögunarferli sem þjóðin er komin í á fullu.)

Ég spái því að hann muni taka skörulega til máls og endurtaka að afstaða hans og Vinstrihr...................græns framb.....sé óbreytt. Algerlega óbreytt!!!

Hinsvegar sé lýðræðisást hans og flokksins svo hátt hafin yfir þá lýðræðisást sem þjóðin hafi kynnst hjá öðrum stjórnmálaflokkum að ákveðið hafi verið að leyfa þjóðinni að taka upplýsta ákvörðun.

UPPLÝSTA ÁKVÖRÐUN

Og hann mun leggja þunga áherslu á þau orð að þetta séu andstæðingar hans í pólitík að gera tortryggilegt.

"En þeim mun ekki verða kápan úr því klæðinu!" mun hann að lokum segja.

Og þá klappar salurinn.

Höggva í raðir stuðningsmanna VG

Hvenær verður haldinn þjóðfundur um þessa hringavitleysu Hafró?

Þarna hefur Fiskistofa/Hafró gripið snöfurlega inn í til að stöðva uppbyggingu fæðuskilyrða á Fljótagrunninu. Þessir vísindamenn virðast ófærir um að skilja að fiskistofnar verða ekki styrktir með því að fjölga ungviðinu ef ætið skortir.

Afleiðing þessarar glæpastarfsemi er offjölgun ungviðis og síðan afrán og að lokum úrkynjun stofna.

Hvenær fara landfræðingar að fyrirskipa fjölgun fjár á ofsetnum/ofbeittum afréttum?

Það hljóta að gilda sömu lögmál um fæðuþörf á sjó og landi.

Gilda önnur lögmál um þróun þorskstofnsins í Barentshafi en í íslenskri lögsögu?

Við höfum ekki efni á svona látlausri skemmdarstarfsemi fiskifræðinganna.

Hvernig væri að boðað yrði til þjóðfundar um nýtingu á dýrmætustu auðlind þjóðarinnar áður en vísindamönnum okkar tekst að vinna á henni óbætanlegt tjón?

Ef þeir eru þá ekki þegar búnir að því.

Staðinn að ólöglegum veiðum

Þær vilja klára dæmið og stöðva hringlandaháttinn

Er ekki kominn tími til að stöðva þennan fjandans hringlandahátt?

Auðvitað er vonlaust að tala endalaust um sátt eða sáttaleiðir í þessu heitasta hagsmunamáli þjóðarinnar og þar með umdeildasta.

LÍÚ hefur allt frá upphafi þessarar umræðu kostað kapps við að setja málið í uppnám og komist upp með að stöðva vinnuna ítrekað.

Auðvitað á að gefa handfæraveiðar frjálsar en þó líklega með einhverjum skynsamlegum reglum um stærð og búnað bátanna.

Þetta er samningsefni vistkerfisins og mannsins.

Og það mun ekki verða fundin á þessu máli ein lausn og endanleg á næsta haustþingi.

Af því að þetta er ekki spurning um krókalausustu leiðina til hámarksarðsemi fyrirtækis í kauphallarviðskiptum þótt ýmsum finnist það sjálfgefið.

 

Vilja endurskrifa frumvarpið

Ekki gott að setja umsóknina á ís að mati SJS

Hafi kjarni ræðu Steingríms J. komið fullkomlega til skila í þessari frétt þá sýnist mér að þetta hafi verið vond ræða og forsendurnar ómerkilegar.

Það kemur mér vissulega nokkuð á óvart.

Steingrímur á ekki að flytja fleiri vondar ræður.

Maðurinn er ekki flón og ekki bernskur í hugsun eins og öll aðkoma hans að þessu fjandans umsóknarferli bendir óneitanlega til að hann sé.

Þó ekki sé þá fleira talið.

Upp úr öllu finnst mér standa það að nú hefur verið staðfest fyrir nokkru að umsóknin hefur tekið allt aðra stefnu en í það minnsta þorri kjósenda átti von á þegar lagt var af stað.

Þetta eru aðlögunarviðræður.

Og fyrirheitna landið er ríkjabandalag í uppnámi vegna bágrar efnahagsstöðu og/eða gjaldþrota nokkurra fjölmennra aðildarríkja!

Og í uppnámi vegna ólíkra viðhorfa til björgunaraðgerða.

Getur einhver útskýrt kappsemi aðildarsinna og beiðni um fleiri reglugerðir handa þessu fámenna og jafnframt afar fábrotna samfélagi okkar ef rétt væri á málum haldið?

Erum við viss um að allir séu áreiðanlega í lagi í ríkisstjórn Íslands?

Ekki gott að setja umsókn á ís

Ekki meiri hringavitleysu

Enda þótt stjórnmálaástand okkar sé nú ekki gróskumikið þessi misserin þá eru takmörk fyrir því hversu langt fólk getur leyft sér að ganga.

Hvaða hugsjónir hefur Guðmundur Steingrímsson gengið með í brjóstinu og pólitískir samferjar hans barið niður?

Engar, sem ég hef heyrt um.

Telur drengurinn að það nægi honum að pabbi hans og afi urðu stjórnmálamenn og náðu áhrifum?

Hvað er eiginlega í gangi.

Nú fer líklega að styttast í að Jón Gnarr stígi fram fyrir þjóðina og skýri henni frá sinni dýrustu pólitísku hugsjón:

Allskonar fyrir aumingja!

Greyin mín!

Eigum við ekki að reyna fremur að vinna okkur smám saman inn virðingu þeirra þjóða sem nenna að fylgjast með okkur en að mála okkur endanlega út í horn?

Það hljótum við að gera ef þetta skelfilega áform um framboð pólitískra apakatta á landsvísu verður að veruleika.

Hyggja á framboð til Alþingis