Kynjakvóti?

Afsakið, hvar og hvenær hafa þessar ágætu konur í starfshópnum kvatt sér hljóðs í tengslum við vöxt og viðkomu svartfugls?

Og hvernig má það vera að ég hef hvergi rekist á nöfn þessara ágætu karla heldur í sömu tengingu?

Mikið óskaplega þekki ég marga af vettvangi þessa máls sem ég treysti betur til að sinna þessu erfiða verkefni.

 

Skipar starfshóp um svartfugl

Athugasemdir

[Guðmundur Ingi Þorsteinsson (IP-tala skráð) 19.9.2011 kl. 14:00]

Er þá ekki bara að senda tölvupóst á [e-mail] og benda henni á fólkið sem þér lýst betur á ?

[Jónas (IP-tala skráð) 19.9.2011 kl. 14:19]

bara enn einn starfshópur fyrir vini og samspillingarlið meðan enn er hangið í völdin

[Hálfdán Helgason (IP-tala skráð) 19.9.2011 kl. 15:11]

Ég þekki ágætlega til í þessum geira líka og þekki flest nöfnin á þessum lista, veit það fyrir víst að þarna er ekki um að ræða vini pólitíkusa eða um spillt lið að ræða. Þau sem ég þekki eru afskaplega fært, duglegt og áhugasamt fólk. Það getur líka verið mjög gagnlegt að fá ný augu og nýtt sjónahorn á málin

[Árni Gunnarsson, 19.9.2011 kl. 23:19]

Ég vil vera bjartsýnn og vænta góðs af starfseminni.

Hvergi gaf ég í skyn að þetta fólk væri spillt. Hinsvegar er það alþekkt að inni í stofnunum eins og Umhverfisráðuneyti sé mikið lagt upp úr lærdómi fólks, einkum akademiskum lærdómi. Sá lærdómur nýtist alls ekki svo vel sem sem skyldi í mörgum tilvikum þegar metið er ástand lífríkis og/eða tegunda.

Við skulum bara taka dæmin af Hafró og ráðgjöf um uppbyggingu fiskistofna með takmörkum á sókn.

Það þætti ekki burðugur árangur af lækningalyfi eftir þriggja áratuga notkun ef hann væri í líkingu við uppbyggingu þorskstofnsins við Ísland sem nýttur hefur verið samkvæmt vísindalegri ráðgjöf þeirrar umræddu stofnunar.

Veiðmennirnir eru næstir á vettvangi sjófugla ásamt sjómönnunum. Ég vænti þess að það ágæta fólk sem skipar umræddan starfshóp hafi gott og mikið samstarf við sjómenn og veiðimenn.

En ný augu og nýtt sjónarhorn er einmitt að finna í stofnunum. Þess vegna þarf að samþætta reynslu og vísindaþekkingu sem byggir á rannsóknum og úrvinnslu gagna.

Hvor hópurinn stýrir verkinu skiptir þá kannski ekki höfuðmáli.